लक्ष्मी सामुदायिक वनके सातौं वार्षिक साधारण सभा

पहुरा समाचारदाता
पहलमानपुर, १४ माघ । कैलालीके भजनी नगरपालिका–९ पहलवानमे रहल लक्ष्मी सामुदायिक वन उपभोक्ता समुहके सातौं वार्षिक साधारण सभा तथा सार्वजनिक सुनुवाई कार्यक्रम निम्जल बा ।
समुहके अध्यक्ष रामपुकार चौधरीके अध्यक्षतामे हुइल कार्यक्रममे वर्का पहुना पचमुडिया सव डिभिजन वन कार्यालयक जमदार रामचरण चौधरी रहल रहिट । कार्यक्रममे सम्बोधन करटी उहाँ सामुदायिक वनभित्तर काम करे पैना वातावरण मिलाई पर्ना बटैलै । विशिष्ट पहुना भजनी नगरपालिका सि एफ सीसीके अध्यक्ष भीम बहादुर चौधरी सदुपयोग संरक्षण व्यवस्थापनमे काम नैकरटसम वचाई नैसेक्ना बटैलै ।
पहुरा दैनिकके पहलमानपुर व्युरो प्रमुख जीवन चौधरी बनुवा ओ मानव जीवन एक दुसरके परिपु्रक रहल कहटी यकर संरक्षण करे नैसेक्लेसे भारी समस्या अइना बटैलै ।
सव डिभिजन वन कार्यालय पच्मुडियाके वन रक्षक खोमलाल चौधरी कार्य योजना भित्तर रहिके केल काम करे पर्ना बटैलै ।
समुहके सचिव भोजराज चौधरी आय व्यय सुनैले रहिट । कार्यक्रममे स्वागत पूर्व सचिव रितु चौधरी ओ संचालन मत्रिका शर्मा करल रहिट ।
