थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

आयुर्वेद सेवा सम्बन्धी अभिमुखीकरण

पहुरा | १५ माघ २०८१, मंगलवार
आयुर्वेद सेवा सम्बन्धी अभिमुखीकरण

पहुरा समाचारदाता
धनगढी, १५ माघ ।
सुदूरपश्चिम प्रादेशिक आयुर्वेद चिकित्सालय धनगढी कैलालीसे सञ्चारकर्मीहुक्रन बिच आयुर्वेद सेवा सम्बन्धी अभिमुखीकरण कार्यक्रम करले बा ।

चिकित्सालयके मेडिकल सुपरिटेन्डेन्ट तथा बालरोग विशेषज्ञ डा. रामकामेश्वर ठाकुरके अध्यक्षतामे हुइल कार्यक्रमके बर्का पहुना चिकित्सालयके व्यवस्थापन समिति अध्यक्ष नरेश विष्ट रहल रहिट ।

कार्यक्रममे वरिष्ठ चिकित्सक डा. ओम प्रकाश कलौनी कार्यक्रमके उद्देश्य सहित चिकित्सालयसे प्रभाह करजैना सेवा सुविधाबारे जानकारी कराइल रहिट ।

डा. कलौनी प्रादेशिक आयुर्वेद चिकित्सालयसे होमियोप्याथिक, प्याथोलोजी, ल्याब, एक्स–रे, पूर्वकर्म, पञ्चकर्म, सिरोधारा, छारसूत्रसे पायल्स, फिसर, फिस्टुला लगायतके उपचार सेवा डेटी रहल जानकारी कराइल रहिट ।

सुदूरपश्चिम प्रदेशमे हाल एक प्रादेशिक आयुर्वेद चिकित्सालय, सात जिल्ला आयुर्वेद स्वास्थ्य केन्द्र, एक अञ्चल आयुर्वेद, ४२ आयुर्वेद औषधालय ओ ३३ नागरिक आरोग्य सेवा केन्द्र रहल जनाइल बा ।

जनाअवजको टिप्पणीहरू