चैतन्य पाठशालासे खेलकुद प्रतियोगिताके पुरस्कार वितरण

पहुरा समाचारदाता
धनगढी, १६ माघ । धनगढी उपमहानगरपालिका–५ शिवनगरमे रहल चैतन्य पाठशालासे वार्षिक खेलकुद सप्ताहके पुरस्कार वितरण कार्यक्रम करले बा ।
राष्ट्रिय सहिद दिवसके अवसरमे विद्यालयमे सम्पन्न हुइल वार्षिक खेलकुद सप्ताहके पुरस्कार वितरण कार्यक्रम कैगिल बा । धनगढी उपमहानगरपालिकाके उप–मेयर कन्दकला कुमारी रानाके प्रमुख आतिथ्यतामे हुइल कार्यक्रममे चैतन्य पाठशाला उत्कृष्ट कार्य करटी रहल बटैली ।
शहिद दिवसके अवसर पारके यी कार्यक्रम बहुट सान्र्दभिक रहल बटैली । चैतन्य पाठशाला सैद्धान्तिकसंगे व्यवहारिक, शिक्षासँगे संस्कृति संस्कार ओ प्रकृतिक संरक्षणमे ध्यान डेहल उहाँ बटैली ।

कार्यक्रममे विशिष्ट पहुना धनगढी उपमहानगरपालिका वडा नम्बर ८ के वडा अध्यक्ष जुगराम चौधरी रहल रहिट । मानव जीवनहे स्वास्थ्य बनाइक लाग खेलकुद आवश्यक रहल उहाँ बटैलै । विद्यालयके शिक्षक अभिभावक संघके अध्यक्ष ईश्वर गिरीके अध्यक्षतामे हुइल कार्यक्रममे विद्यालयके प्रिन्सिपल कटकबहादुर सिंह विद्यार्थीनहे शिक्षासंगे खेलकुदमे आघे बह्राइक लाग वार्षिक खेलकुद सप्ताहके आयोजना करल बटैलै ।
शिक्षासंगे खेलकुद आवश्यक रहल विद्यार्थीनहे खेलकुदमे अग्रसर कैगिल उहाँ बटैलै । कार्यक्रमके संचालन इसिए कोडनेटर विन्दास बम ओ सहायक प्रिन्सिपल हेमा जोशी करल रहिट । शहिद दिवसके अवसरमे हुइल कार्यक्रममे विद्यार्थीनके टमान मेरिक प्रस्तुतीफे रहल रहे ।
