थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

फोनिज सुदूरपश्चिमके अध्यक्षमे उन्नती चौधरी निर्वाचित

पहुरा | १९ माघ २०८१, शनिबार
फोनिज सुदूरपश्चिमके अध्यक्षमे उन्नती चौधरी निर्वाचित

पहुरा समाचारदाता
धनगढी, १९ माघ ।
नेपाल आदिवासी जनजाति पत्रकार महासङ्घ (फोनिज) सुदूरपश्चिमके अध्यक्षमे कालीमैँया चौधरी (उन्नती) निर्विरोध निर्वाचित हुइल बाटी ।

फोनिज प्रदेश कार्यसमितिके शनिच्चर धनगढीमे हुइल टिसरा महाधिवेशनसे उहाँके नेतृत्वमे सर्वसम्मतसे लावा कार्यसमिति चयन करल हो ।

समितिके उपाध्यक्षमे बन्वारी राना (सौरभ), महिला उपाध्यक्षमे चन्द्रिका चौधरी, महासचिवमे भानुप्रताप राना, सचिवमे हरेन्द्र चौधरी, रतनलाल चौधरी ओ कोषाध्यक्षमे प्रेमलाल चौधरी चयन हुइल बाटै ।

ओस्टके, सदस्यमे स्वरुप चौधरी, राजेश श्रेष्ठ, रामप्रसाद चौधरी ओ दानसिंह डङ्गौरा चयन हुइल बाटै । नवनिर्वाचित कार्यसमितिके पदाधिकारी ओ सदस्यहे फोनिज केन्द्रीय कार्यसमितिके वरिष्ठ उपाध्यक्ष लक्की चौधरी पद् तथा गोपनियताके शपथ ग्रहण कराइल रहिट ।

जनाअवजको टिप्पणीहरू