नेपाल थारु संघ कैलालीके पहिल जिल्ला भेला २६ गतेसे हुइना

उदघाटन परराष्ट्र मन्त्री आरजु राणा देउवासे कैना

पहुरा समाचारदाता
हसुलिया, २४ माघ । नेपाली काँग्रेसके थारु विभाग ओ नेपाल थारु संघ कैलालीके पहिल जिल्ला भेला यिहे माघ २६ गते कैलारी गाउँपालिकाके हसुलियामे हुइना बा ।

नेपाली काँग्रेसके भातृ संगठन नेपाल थारु संघ कैलालीके आयोजनामे पहिल जिल्ला भेला हुइना नेपाल थारु संघके जिल्ला अध्यक्ष लक्ष्मी नारायण चौधरी जनैलै ।

जिल्ला भेलामे भव्यताके साथ सम्पन्न करेक लाग १९ सदस्यीय मुल तयारी समिति गठन कैगिल समितिके संयोजक तथा जिल्ला अध्यक्ष चौधरी बटैलै ।

भेलाके प्रमुख अतिथि नेपाली काँग्रेसके केन्द्रीय सदस्य नेपाल सरकारके परराष्ट्र मन्त्री आरजु राण देउवा रना आयोजक जनैले बा । जिल्ला भेलामे नेपाली काँग्रेसमे आवद्ध कार्यकर्ता, उ पार्टीप्रति आस्था रखुइयाहु्क्रे, पार्टीके नेताहँुक्रे, पार्टीके महासमिति सदस्य, महाधिवेशन प्रतिनिधि, नेपाल तरण दल, नेपाल विद्यार्थी संघ, किसान संघ, महिला संघ, दलित संघलगायत टमान विभागके सहभागिता रना बा ।