लागु औषध सहित ११ जाने पक्राउ

पहुरा समाचारदाता
धनगढी, २७ माघ । कैलाली ओ कञ्चनपुरके टमान ठाउँसे अवैध लागु औषधसहित ११ जाने पक्राउ परल बटै
कैलालीके धनगढी उ.म.न.पा.३ ब्यारेल लग्गेसे वडा नम्बर ८ बैठना बर्ष ३५ के रामविशाल राना ओ बर्ष २८ के हरि रानाहे २ ग्राम ६९० मिलिग्रामलागू औषध खैरो हेरोइनसहित पक्राउ कैगिल बा ।

कैलाली जिल्लाके टीकापुर न.पा.३ शंकरपुरस्थित सडक खण्डसे उहे ठाउँ बैठना बर्ष २६ के नरेश शाहीहे ९० मिलिग्राम लागू औषध खैरो हेरोइनसहित इलाका प्रहरी कार्यालय टिकापुर, कैलालीसे खटल प्रहरी टोलीसे नियन्त्रणमे लेहल रहे ।
कैलाली जिल्लाके गोदावरी न.पा.२ पहाड रोड स्थित बसपार्क लग्गेसे वडा नम्बर १ बैठना बर्ष २६ के राजन हमालहे १३० मिलिग्राम लागु औषध खैरो हेरोइनसहित पक्राउ कैगिल बा ।

कैलाली जिल्लाके गोदावरी न.पा.३ मालिका टोल जैना डगर लग्गे उहे ठाउँ बैठना बर्ष १९ के तिलक थापा, बर्ष २१ के मनोज सार्की ओ वडा नम्बर १ बैठना बर्ष २३ के नितेस महराहे ५८० मिलिग्राम लागु औषध खैरो हेरोइनसहित पक्राउ कैगिल बा ।
कैलाली जिल्लाके गौरीगंगा न.पा.१ चौमाला बजारसे जिल्ला कञ्चनपुर, शुक्लाफाटा न.पा.२ बैठना बर्ष २९ के खगेन्द्र महराहे ९० मिलिग्राम लागु औषध खैरो हेरोइनसहित इलाका प्रहरी कार्यालय चौमाला, कैलालीसे खटल प्रहरी टोलीसे नियन्त्रणमे लेहल बा ।

ओस्टेक करके कञ्चनपुर जिल्लाके पुनर्वास नं.पा.१० अमरबस्ती स्थित चकमेली बजारसे कैलाली जिल्लाके गोदावरी न.पा १ अनामनगर बैठना बर्ष २८ के सुरेश चौधरी ओ बर्ष २५ के रविन्द्र ओलीहे १ ग्राम २० मिलिग्राम लागु औषध खैरो हेरोइनसहित इलाका प्रहरी कार्यालय त्रिभुवनबस्ती,कञ्चनपुरसे खटल प्रहरी टोलीसे नियन्त्रणमे लेले बा ।

कञ्चनपुरके पुनर्वास नं.पा.११ डोकेबजारसे वडा–१० भिमबस्ती बैठना बर्ष २० के रोसन सिंह साउदहे नाइटा«ेजिपम १० ट्याब्लेट थान १३ ओ स्पासमो क्याप्सुल थान २१ सहित प्रहरी चौकी परासन, कञ्चनपुरसे खटल प्रहरी टोली नियन्त्रणमे लेके अनुसन्धान करटी रहल प्रहरी जनैले बा ।