राष्ट्रिय मावि विचैपुरके विद्यालयके पक्की भवनके उदघाटन

पहुरा समाचारदाता
हसुलिया, २७ माघ । कैलाली जिल्लाके कैलारी गाउँपालिका वडा नम्बर २ स्थित राष्ट्रिय माध्यमिक विद्यालयके नवनिर्मित चार कोठे भवनके उदघाटन कैगिल बा ।

कैलारी गाउँपालिका अध्यक्ष राजसमझ चौधरी अँटवारके रोज एक कार्यक्रमके विच उ नवनिर्मित भवनके उदघाटन करल रहिट । कार्यक्रममे सम्बोधन करटी उहाँ यी विद्यालयसे गाउँपालिकाके उत्कृष्ट विद्यालयके रुपमे आघे बह्रटी रहल ओरसे यी विद्यालयके शैक्षिक गुणस्तरके लाग आपन ओरसे सहयोग निरन्तर रना बटैलै । कैलारी गाउँपालिका यी विद्यालय राष्ट्रपति रनिङ शिल्ड प्रतियोगितामे पहिल स्थान हासिल करले बा ।

विद्यालयके प्रअ जितबहादुर रावत ज्ञापनपत्र बुझैले रहिट । विद्यालय व्यवस्थापन समितिके अध्यक्ष नविन बोहराके अध्यक्षतामे नमस्ते बचत तथा ऋण सहकारी संस्था लिमिटेडके सदस्य दशीराम चौधरी, नेपाल थारु संघ कैलालीके जिल्ला सदस्य सूर्य प्रसाद चौधरी, उ विद्यालयके शिक्षक अभिभावक संघके अध्यक्ष सुशिल ओझा, समाजसेवी राजु बराल, शिक्षा समिति सदस्य नृप बोहरालगायतके सहभागिता रहे ।

कार्यक्रमके संचालन शिक्षक धनबहादुर बम करल रहिट । चार कोठे पक्की भवन गाउँपालिकाके अनुदान सहयोगमे निर्माण हुइल हो ।