धनगढीमे सातौं बेटी सम्मेलन सुरु

१७ जाने चेलिबेटी सशक्तिकरण सम्मान २०८१ से सम्मानित

पहुरा समाचारदाता
धनगढी, २८ माघ । धनगढीमे सातौं राष्ट्रिय बेटी सम्मेलन हुइल बा । अँटवारसे सुरु हुइल सम्मेलनके उदघाटन सुदूरपश्चिमके मुख्यमन्त्री कमलबहादुर शाह एक समारोहके बीच करल रहिट ।

आशनमे महिला, भाषणमे महिला ओ शासनमे महिला (आभासा) अभियान अन्तर्गत धनगढीमे बेटी सम्मेलन सुुरु हुइल रहे । मूलधार महिला सेवा केन्द्र (मासवेश) उदयपुरके अध्यक्ष नजबुल खानके अध्यक्षतामे हुइल सम्मेलनमे मधेसी आयोगके सदस्य रेणुदेवी साह सहितके १७ जाने महिला सम्मानित हुइल बटै ।

कार्यक्रममे सामाजिक विकास राज्यमन्त्री सरस्वती खडका, लम्की चुहा नगरपालिकाके मेयर शुसिला शाही, आभाषा कर्णाली प्रदेश संयोजक देबी भट्टराई, गिनिज बुकमे नाउ लेखैना सफल शेख मुन्ना, जिल्ला अस्पताल उदयुपुरके डाक्टर निर्मला चौधरी, सामाजिक अभियन्ता राष्ट्रिय भूमि समाधान आयोगके सदस्य ईन्दिरा निरौला, नीति तथा योजना अयोग सुदूूरपश्चिमके उपाध्यक्ष डाक्टर जीवन राना चेलिबेटी सशक्तिकरण सम्मान २०८१ से सम्मानित हुइल बटै ।

ओस्टेक करके अछामके ढकारी गाउपालिका उपाध्यक्ष नेत्रकला शाही, बाजुराके गौमुल गाउँपालिका उपाध्यक्ष सीता थापा, पत्रकार महासंघ कैलालीके अध्यक्ष श्रवण देउवा, दृष्टि फाउन्डेशनके अध्यक्ष कल्पना भट्ट, दलित अधिकार मञ्चके अध्यक्ष सावित्रा घिमिरे, बान्नीगढी जयगड गाउपालिकाके उपाध्यक्ष विन्दु रावल, फतिमा फाउन्डेशन नेपालगञ्जके नाजीया बानो, जिल्ला महिला अधिकार मञ्च अछामके अध्यक्ष अप्सरा कुवँर ओ नेपाल पत्रकार महासंघ कैलालीके उपाध्यक्ष भावना जोशीहेफे चेलिबेटी सशक्तिकरण सम्मान २०८१ सम्मान प्रदान करल बा ।

सम्मेलनके दुसरा दिन सोम्मारके कार्यक्रममे प्रदेशके सामाजिक विकासमन्त्री मेघराज खडका प्रमुख अथिति रहल रहिट । सम्मेलन मंगर धनगढी घोषणापत्र जारी करटी समापन हुइना आयोजक संस्थाके अध्यक्ष नजबुल खान जानकारी डेली ।

सम्मेलन मुलधार महिला सेवा केन्द्र (मासेवेस) उदयपुर, आभास राष्ट्रिय अभियान नेपाल ओ दलित महिला अधिकार मञ्च नेपाल धनगढी कैलालीके संयुक्त आयोजनामे हुइल रहे । कार्यक्रमके संचालन मञ्चके कार्यक्रम संयोजक विमला खडायत करल रही ।