‘आमा म आउँदैछु’ कविता सङ्ग्रहके विमोचन
पहुरा समाचारदाता
धनगढी, २९ माघ । पत्रकार दीर्घराज उपाध्यायके ‘आमा म आउँदैछु’ कविता सङ्ग्रहके मंगरके रोज धनगढीमे विमोचन करल बा ।
साहित्यकार डा. नवराज लम्साल, सुदूरपश्चिम विश्वविद्यालयका पूर्व रजिष्ट्रार डा. हेमराज पन्त, सुदूरपश्चिम प्रदेश सभा सदस्य धर्मराज पाठक, साहित्यकार श्रेष्ठ प्रिया पत्थर, ऐश्वर्य प्रकाशनके अध्यक्ष गणेश जोशी संयुक्त रुपमे कविता सङ्ग्रहके विमोचन करल हुइट ।
ऐश्वर्य प्रकाशनके आयोजनामे आयोजित विमोचन कार्यक्रममे शुभकामना मन्तव्य डेटी साहित्यकार लम्साल कोरोना महामारी ओ द्वन्द्वके क्रममे डेखल आक्रोस ओ पीडा कविता सङ्ग्रह समेटल बटैलै । उहाँ कविता सङ्ग्रह आर्थिक विकास ओ परिवर्तनके लाग शङ्खघोष हुइ सेक्ना उल्लेख करलै ।
ओस्टके, सुदूरपश्चिम क्याम्पसके पूर्व रजिष्ट्रार डा. पन्त समाजमे रहल विकृति कवितामे समेटल बटैलै ।
पत्रकार उपाध्याय गत भदौमे ‘द्वन्द्व पत्रकारिताको एक दशक’ नामक कृति बजारमे लानल रहिट । कोभिड महामारी ओ द्वन्द्वके क्रममे ज्या हुइल ओम्हे आधारित होके कविता सङ्ग्रह सृजना करल लेखक उपाध्याय बटैलै ।
विमोचन कार्यक्रममे लेखक, साहित्यकार, राजनीतिकर्मी, पत्रकार लगायतके उपस्थिति रहल रहे ।
