अखिल नेपाल महिला संघके अध्यक्षमे थापामगर

पहुरा समाचारदाता
धनगढी, ३० माघ । नेकपा (एमाले) निकट अखिल नेपाल महिला संघ धनगढी नगर कमिटीके अध्यक्षमे ल्याट्री थापामगर सर्वसम्मत चयन हुइल बाटी । संघके धनगढीमे हुइल डुसरा नगर सम्मेलनसे उहाँके नेतृत्वमे सर्वसम्मत लावा कार्य समिति चयन करल हो ।

समितिके उपाध्यक्षमे रुपा मास्के पुन, सचिवमे रेनु ढुङ्गेल, उपसचिवमे सीता विक ओ हरिना रावल, कोषाध्यक्षमे लक्ष्मी सिंह चयन हुइल बाटै । ओस्टके, सदस्यमे माया चौधरी, सरस्वती सिंह, ज्योती थापामगर, सावित्री राना, भीमा विक, रामदुलारी राना, सुनिता चौधरी, आशाकुमारी सुनार, हाजिरी रावल, सपना बिसी, लक्ष्मी कोली, लक्ष्मी कुँवर न्यौपाने, रेखा बास्तोला, इन्द्रा बिक चयन हुइल बाटै ।

संघके निवर्तमान अध्यक्ष एवम् धनगढी उपमहानगरपालिकाके उपप्रमुख कन्दकला रानाके अध्यक्षतामे अधिवेसन हुइल रहे ।