धनगढी ओ अत्तरियामे टीभीएसके ‘अनस्टपेबल फ्रिडम’ अभियानके अनावरण

पहुरा समाचारदाता
धनगढी, १ फागुन । टीभीएस मोटरसाइकलके कैलालीके धनगढीके लाग आधिकारिक बिक्रेता बागेश्वरी अटोमोटिभ्स ओ अत्तरियाके लाग बागेश्वरी मल्टिमोटर्समे एक विशेष कार्यक्रम मार्फत ‘अनस्टपेबल फ्रिडम’ अभियानके औपचारिक अनावरण करल बा ।

अभियानके अनावरण धनगढीके बागेश्वरी अटोमोटिभ्समे बुधके रोज कैगिल कलेसे अत्तरियास्थित बागेश्वरी मल्टिमोटर्समे मंगरके कैगिल रहे ।

बागेश्वरीके सञ्चालक प्रेम साउँदके अध्यक्षतामे हुइल कार्यक्रममे यहाँके मोटरसाइकलके मेकानिकहुकनके उपस्थिति रहे ।
यी अभियान टीभीएस अपाचे आरटीआर १६० रीफ्रेश ४ भी एफडी ओ अपाचे आरटीआर १६० टु भी रीफ्रेश बीटी मोडेलके लाग ल्यानल हो । जौन अन्तर्गत २ वर्षसम समस्या रहित लिमिटलेस राइडके सुविधा प्रदान कैना बटाइल बा ।

जगदम्बा मोटर्ससे बाइक पारखीहुकनहे दुई वर्षसम निःशुल्क स्पेयर पाट्र्स, इन्जिन आयल ओ सर्भिस प्रदान करटी रु. ३१ हजारसमके बचतके अवसर डेना जनाइल बा । यी योजनासे ग्राहकहुकनहे सहज, सुरक्षित ओ चिन्तारहित यात्राके अनुभव डेना विश्वास कम्पनीके रहल संचालक पण्डित बटैलै ।

कार्यक्रममे सहभागी मेकानिकहुक्रे जगदम्बा मोटर्ससे ग्राहकहे लक्षित करटी नयाँ–नयाँ योजना ल्यन्ना सकारात्मक कदम रहल बटैलै । अइना दिनमे अभिन उत्कृष्ट सेवा तथा सुविधा अइनामे ओइने विश्वास व्यक्त करलै ।

टीभीएस अपाचे आरटीआर सिरिजसे उन्नत रेसिङ प्रविधि, आकर्षक डिजाइन ओ उत्कृष्ट ह्यान्डलिङके संयोजनमार्फत ग्राहकहुकनके मन जित्टी आइल बा । कम्पनीसे अपन सक्कु बाइक वा स्कुटरमे आजीवन वारेन्टीके सुविधा समेत प्रदान कैना जानकारी डेले बा ।

नेपालभर १४० से ढेर डिलर नेटवर्क रहल जगदम्बा मोटर्ससे टीभीएसहे नेपालके सर्वाधिक रुचाइल टू–विलर ब्रान्डके रूपमे स्थापित करल दाबी करले बा । यी अफर तथा अन्य योजनाबारे थप जानकारीके लाग ग्राहकहुक्रे नेपालभरके टीभीएस डिलरशिपमे सम्पर्क करे सेक्ही ।