चैतन्य पाठशालाके २४औं बार्षिकोत्सव

संस्कारसहितके गुणस्तरीय शिक्षा प्रदानमे चैतन्य अग्रसरः पूर्वमन्त्री देउवा

पहुरा समाचारदाता
धनगढी, ३ फागुन । कैलालीके धनगढी उपमहानगरपालिका वडा नम्बर ५ स्थित चैतन्य पाठशालाके २४औं वार्षिकोत्सव तथा अभिभावक दिवस शनिच्चरके रोज भव्यताके साथ सम्पन्न हुइल बा ।

सुदूरपश्चिम प्रदेश सरकारके पूर्व भौतिक पूर्वाधार विकास मन्त्री प्रकाश बहादुर देउवाके प्रमुख आतिथ्यतामे हुइल कार्यक्रममे सम्बोधन करटी उहाँ चैतन्य पाठशालासे संस्कारसहितके गुणस्तरीय शिक्षा प्रदान कैना सफल हुइल बटैलै ।
गाउँ समाज, घर परिवारमे अब्बे संस्कारके कमी बा,’ उहाँ कहलै, ‘पहिले अपन घरपरिवार, समाजके अदर कैना परिपाटी रहे । अब्बे उ हेरैटी गैल कारण एकदुसरहे सम्मान अदर करे छोरल बा । जौन सदाके आवश्यक बा । ओकर आवश्यकता पूर्ति कैना चैतन्य पाठशाला अग्रसर हुइल बा ।’

कोई व्यक्ति जटरा ढेर शिक्षा आर्जन करल मने ओकर भिटर संस्कार नैहो कलेसे ओकर खासे महत्व नैरहना पूर्व मन्त्री देउवा बटैलै ।
ज्ञान सीप ओ संस्कार डेटी करल चैतन्य पाठशालासे अन्य स्कुलसे समेत कुछ सिखे पर्ना ओ पाठशालासे छोट समयमे शिक्षा क्षेत्रमे अटरा ढेर मजा करलमे अपनहे खुशी लागल उहाँ बटैलै ।

कार्यक्रमके विशिष्ट पहुना तथा चैतन्य पाठशालाके सल्लाहकार शिक्षाविद डा. हेमराज पन्त शिक्षाहे पहिचानसंग जोरना आवश्यक रहल बटैलै । उहाँ कहलै, ‘और मुलुकके तुलनामे नेपालीहुक्रे आपन संस्कार, संस्कृति संरक्षण कैना ओर आघे बटै । मने संस्कार संस्कृति हेराई लागल बेला चैतन्य पाठशालासे वेद ओ विज्ञानहे जोर डेटी संस्कारसहित गुणस्तरीय शिक्षा प्रदान कैना सफल हुइल बा ।’

विशिष्ट अतिथि धनगढी उपमहानगरपालिकाके नगर उपप्रमुख कन्दकला राना चैतन्य पाठशाला नगरमे नमूना विद्यालयके रुपमे आइल बटैली । उहाँ कहली, ‘धनगढीमे रहल संस्थागत विद्यालय मध्ये यी विद्यालय गुणस्तरीय शिक्षासँगे संस्कार, संस्कृति, वेद ओ विज्ञानहे ढेर महत्व डेले बा । यी विद्यालयके गतिविधिसे यहाँके और विद्यालयमे प्रभावितसंगे छिमेकी पालिकाके विद्यालय यकर अनुसरण करटी बटै ।’

उहाँ धनगढीमे नमूना स्कुलमे चैतन्य स्कुल रहेल ओ धनगढीमे शैक्षिक भ्रमणमे अउइयाहे चैतन्य पाठशाला सिफारिस कैना समेत उहाँ व्यक्त करली । धनगढी उमहानगरपालिकामे सामुदादायिक विद्यालय ७३ मन्से मर्ज हुके ६८ हुइल मने संस्थागत विद्यालय १०५ मन्से बह्रके १२५ पुगल उहाँ बटैली ।

विद्यालयके सिइओ गणेशप्रसाद जोशी समाजमे संस्कारहे कमी हुइल ओरसे उहीहे महत्व डेटी संस्कारसहित वेद ओ विज्ञानहे जोर डेटी गुणस्तरीय शिक्षा प्रदान कैना प्रयास आघे बह्रल बटैलै । विद्यार्थीहुकनहे परीक्षामे ढेर अंक ल्यन्नासेफे ओइनहे संस्कारसहितके शिक्षा कैसिक डेना कना चैतन्य पाठशालाके चासो ओ चिन्ता रहल चैतन्य पाठशालाके अध्यक्ष जोशी बटैलै ।

कार्यक्रममे जिल्ला प्रशासन कैलाली जिल्लाके प्रमुख प्रमुख जिल्ला अधिकारी गोगन बहादुर हमाल, ऐश्वर्य विद्या निकेतनके प्रिन्सिपल प्रेम निधि ओझा, डेउडा गायक यज्ञराज उपाध्यायलगायत मन्तव्य व्यक्त करल रहिट ।

बार्षिकोत्सवके अवसरमे विद्यालयसे चैतन्य शिक्षा साधाना सम्मान ऐश्वर्य विद्या निकेतनके प्रिन्सिपल प्रेमनिधि ओझाहे, चैतन्य कला, संस्कृति तथा साहित्य साधना सम्मान देउडा गायक यज्ञराज उपाध्याय, चैतन्य खेलकुद साधाना सम्मान क्रिकेट खेलाडी स्नेह महराहे प्रदान कैगिल बा ।

पाठशालासे सामाजिक सेवा अन्र्तगत सामाजिक असहाय सहयोग दान अन्र्तगत दृष्टिफाउण्डेशन धनगढीहे प्रदान करले बा ।
ओस्टेक शिक्षाविद डा. हेमराज पन्त, नवजीवन सहकारीके अध्यक्ष देवबहादुर बम, हरिशंकर ठाकुरफे सम्मानित हुइल बटै ।
यिहे विद्यालयसे शिक्षक तथा कर्मचारीहुकनहे सम्मान करले बा । सम्मानित हुइलमे विकास सिंह, विन्दास बम, हेमा जोशी, विनोद क्षेत्री, सुवास गिरी, रम्भा शर्मा ओ कर्मचारीमे पदम चौधरी ओ सुमित्रा चौधरीफे सम्मानित हुइल बटै । पाठशालासे टमान क्षेत्रमे योगदान पुगुइया ३८२ जनहनहे सम्मान करले बा ।

सम्मान अन्तरगत प्रेरक युवा उद्यमी सम्मान ३ जाने, सफल युवा उद्यमी सम्मान १ जाने, प्रेरक व्यवसायी सम्मान ११ जाने, प्रेरक पत्रकार सम्मान ३ जाने, स्वास्थ्य सेवा सम्मान ४ जाने, योग अध्यात्म सम्मान ३ जाने, अनुकरणीय शैक्षिक सम्मान ६ जाने, अनुकरणीय सामाजिक नेतृत्व सम्मान २ जाने, उत्कृष्ट खेल सम्मान ३० जाने, प्रेरणादायी समाजसेवा सम्मान १० जाने, चैतन्य बिज्ञ नगर स्रोत शिक्षक सम्मान ३ जाने, चैतन्य बहुआयामिक सम्मान ४ जाने, नवोदित सर्जक सम्मान १ जाने, चैतन्य युवा विज्ञान कर्मी सम्मान ३ जाने, चैतन्य कला संस्कृति सम्मान १ जाने, चैतन्य प्रेणादायी युवा सम्मान २ जाने, आदर्श अभिभावक सम्मान ५० जाने, मिडिया हाउस सम्मान १७ जाने, झाकीँ समाज सम्मान १३ जाने, वडा अध्यक्ष÷ स्थानीय निकाय सम्मान १७ जाने, महारानी टेन्ट हाउस १ जाने, बिद्यार्थी सम्मान ५० जाने, पुर्व बिद्यार्थी सम्मान १९ जाने, पूर्व शिक्षक सम्मान ७ जाने, आदर्श शिक्षक कर्मचारी सम्मान ७४ जाने, ओ आमा सम्मान अन्तरगत समारोहमे उपस्थित सक्कु आमा अभिभावकहुकनहे सम्मान करल बा ।

कार्यक्रममे वर्षभरर टमान विधामे उत्कृष्ट हुइना विद्यार्थीहे समेत सम्मान, पुरस्कार तथा मायाके चिनो प्रदान करल रहे ।
समारोहमे धनगढीके दुई विद्यालयहे नगरपालिकाके सिफारिसमे ल्यापटप समेत हस्तानतरण करल बा । समारोहमे ठेकराज मा.बि घोडसुवा ओ भवानी मा.बि घुइयाघाटहे ल्यापटप प्रदान करल रहे ।

वार्षिकोत्सवमे स्टिम क्लवसे रोवोटिक, एआई तथा एरोनेटिक आविष्कारके प्रदर्शनी, टमान लोक संस्कृति एवं झाँकी प्रर्दशन, सृजनात्मक कला, अभिव्यक्ति प्रर्दशनी, विद्यार्र्थीसे प्रतिभा प्रस्तुती रहल रहे । बार्षिकोत्सवके अवसरमे विद्यालयसे बनदेवी मन्दिरसे विद्यालयसम प्रभातफेरी ¥याली प्रर्दशन करल रहे ।

विद्यालयके शिक्षक अभिभावक संघके अध्यक्ष ईश्वर गिरीके अध्यक्षतामे हुइल कार्यक्रममे विद्यालयके प्रिन्सिपल कटकबहादुर सिंह विद्यालयके वार्षिक प्रतिवेदन तथा स्वागत मन्तव्य व्यक्त करल रहिट ।

कार्यक्रमके संचालन विद्यालयके शिक्षक हेमा जोशी ओ विवेक जोशी करल रहिट । वार्षिकोत्सवके अवसरमे प्रदेश सरकारके टमान व्यक्तित्व, टमान विद्यालयके प्रअ, खेलकुद क्षेत्रके टमान व्यक्तित्व, अभिभावकहुकनके सहभागिता रहे ।