गैससके लाग बैकिङ कारोवार सहज ओ झंझटरहित बनैनाबारे अन्तरक्रिया
पहुरा समाचारदाता
धनगढी, ३ फागुन । गैर सरकारी संस्थाहुकनके लाग बैकिङ करोवार सहज ओ झंझटरहित बनैना विषयमे गैसस ओ बैंकके प्रतिनिधिविच अन्तरक्रिया कार्यक्रम हुइल बा ।
गैर सरकारी संस्था महासंघ सुदूरपश्चिम प्रदेश कार्यालयके आयोजना शनिच्चरके रोज अन्तरक्रिया कार्यक्रममे हुइल हो । कार्यक्रममे गैरसरकारी संस्थाहुकनके ओरसे प्रस्तुतीकरण महासंघके प्रदेश अध्यक्ष देवी खनाल गैससहे वैंकसे हाइरिस्क ओ रेडजोनमे राखल ओरसे काम कैना गाह्रो रहल बटैलै । गैसससे निर्धक्क रुपमे काम बातावरण नैरहल ओरसे कैसिन मजा वातावरण सेक्जाई कहिके छलफल करल बटैलै । बैंक अपाङता मैत्री नैहो फरक क्षमता रहलहुकनके सेवा लेना कर्रा हुइल उहाँ बटैलै ।
गैरसरकारी संस्था मुक्तकमैया, कमलरी, मुक्त हलिया, हरुवाचरुवाके सामाजिक आन्दोलनमे साथ डेहल, सरकारहे सहयोगीके भूमिका निर्वाह करल, राज्य ओ जनताविच पुलके काम करल बटैलै ।
अन्तरक्रिया तथा छलफल कार्यक्रममे नेपाल राष्ट्र वंैकके केशवबहादुर केसी वंैकहे सेवाग्राहीहुकन समय डेके सम्झावुझा डेना आग्रह करलै ।
गैससके खातामे विदेशसे करोडौके रुप्या अइना ओरसे सरकारसे निगरानी कैना कैना स्वाभिक रहल बटैलै । अन्तरक्रिया छलफल कार्यक्रममे महासंघके केन्द्रीय सदस्य सावित्रा घिमिरे, जिल्ला अध्यक्ष चेतमान साउदलगायत आपनबाट राखल रहिट । कार्यक्रमके संचालन विनोद कडारा करल रहिट ।
