चैतन्य पाठशालाके प्राचार्यमे प्रेमनिधी ओझा नियुक्त
पहुरा समाचारदाता
धनगढी, ८ फागुन । कैलालीके धनगढीमे रहल शिक्षा ओ संस्कारके संगम, प्रकृति ओ संस्कृतिके सम्मान, वेद ओ विज्ञानके संयोजन चैतन्य पाठशालाके प्राचार्यमे प्रेमनिधी ओझा नियुक्त हुइल बटै ।
करिव ३७ वर्ष नम्मा समयसे शिक्षा क्षेत्रमे विशिष्ट पहिचान बनैना सफल ओझा विफेक रोजसे चैतन्य पाठशालाके प्राचार्यके रुपमे सक्रिय हुइल बटै । विद्यालयके बिहानी सत्रमे औपचारिक कार्यक्रमके आयोजना करटी वैदिक विधि विधानसहित उहाँहे प्राचार्यके जिम्मेवारी डेहल हो । नव नियुक्त प्राचार्यहे पाठशालासे एक कार्यक्रमके बिच स्वागत करले बा ।
नव नियुक्त प्राचार्य ओझा पाठशालाके प्राचार्यके जिम्मेवारी पाइल सुखद क्षणमे सम्बोधन करटी अब्बे चैतन्य पाठशालाके शिक्षा प्रणाली उत्कृष्ट रहल ओ अइना दिनमे शैक्षिक गुणस्तरहे आउर सशक्त बनैना अपन प्रयास रहना सु–भाव व्यक्त करलै । विगत चार दशकसे शिक्षण ओ शैक्षिक संस्थाके नेतृत्व करटी रहल अनुकरणीय शैक्षिक व्यक्तित्व ओझासे विगत नम्मा समय धनगढीके ऐश्वर्य स्कुलके प्राचार्यके रुपमे रहल रहिट ।
नव नियुक्त प्राचार्य ओझाहे शुभकामना डेटी पाठशालाके अध्यक्ष गणेश प्रसाद जोशी चैतन्य पाठशाला कितावी ज्ञानसे जीवन निर्माणके शिक्षामे जोर डेटी आइल ओ चैतन्यसे जीवन उपयोगी सीप प्रदान कैना समेत बटैलै । उहाँ कहलै चैतन्यके लक्ष्य प्राप्तीमे अबके दिन आउर उत्कृष्ट ओ सहज हुइना अपन आशा रहलफे बटैलै ।
पाठशाला स्थापनाकालसे सुदूरपश्चिममे नौलो ओ अलग पहिचान बनैना सफल हुइल पाठशाला हो ।
