हिल वल्र्ड गुणस्तर जनशक्ती उत्पादनमे अग्रसर
पहुरा समाचारदाता
धनगढी, १० फागुन । कैलालीके धनगढी उपमहानगरपालिका वडा नम्बर १ मे रहल हिल वल्र्ड इंगलिस बोर्डिङ हाई स्कूल गुणस्तरीय जनशक्ति उत्पादन कैनामे अग्रसर डेखल विद्यालय जनैले बा ।
विद्यालयके २०औं बार्षिकोत्सव तथा अभिभावक दिवसके पूर्व सन्ध्यमे शनिच्चरके रोज विद्यालयमे आयोजित पत्रकार सम्मेलनमे विद्यालयके प्रिन्सिपल डिआर शर्मा जानकारी डेलै ।
उहाँ कहलै, ‘यी विद्यालयसे कक्षा ८ के जिल्लास्तरीय ओ एसइईके परीक्षामे उल्लेखनिय ओ प्रभावकारी नतिजा ल्यन्ना सफल हुइल बा । विद्यालयसे उत्पादित हुइल विद्यार्थी कैयौं डाक्टर, इन्जिनियर, सिए समके उत्पादन करके मुलुकहे आवाश्यक जनशक्ती पुगैलै बा ।’
प्रिन्सिपल शर्मा कहलै, ‘मै उच्च शिक्षाके लाग भारतके टमान कलेज ओ यूनिभरसिटीमे अध्ययन करटी विगत लम्मा समय निजी विद्यालयमे शिक्षकके रुपमे प्रस्तुत हुके गुणस्तरीय शिक्षा ओ विद्यार्थी केन्द्रीत शिक्षा २१ औं सताब्दीके मागहे आवश्यकता ठानके विदेशमे जाके कुछ देशके शिक्षण सस्थाहे अवलोकन करके शिक्षणके टमान प्रविधि लागु करले बटु ।’
उ विद्यालय व्यवस्थापन समितिके अध्यक्ष भोजबहादुर बम २०६१ साल वैशाख २ गते हिल वल्र्ड इङलिस वोर्डिङ हाई स्कुल, धनगढी १, कैलालीमे स्थापना हुइल बटैलै । स्थापना कालमे पहिल वर्ष ३५ जाने विद्यार्थीसे सुरु करल यी विद्यालयमे अब्बे ५५० जाने विद्यार्थी रहल उहाँ जनैलै ।
विद्यालयसेफे सुदूरपश्चिम प्रदेशके पहाडी जिल्लाके बालवालिकाहे निम्न शुल्कमे सन्तुलित भोजनके प्रवन्ध करके आवासमेफे ३५ जाने विद्यार्थी रहल अध्यक्ष बम बटैलै । ओस्टेक करके विद्यालयसे फागुन ११ गते विविध कार्यक्रमके आयोजना करके २०औं वार्षिकोत्सव तथा अभिभावक दिवस मनैना जनैले बा ।
