विरेन्द्र सामुदायिक वनके आठौं वार्षिक साधारण सभा निम्जल

पहुरा समाचारदाता
पहलमानपुर, ११ फागुन । कैलाली जिल्लाके घोडाघोडी नगरपालिका–१० थेवैमे रहल विरेन्द्र सामुदायिक वन उपभोक्ता समुहके आठौं वार्षिकोत्सव तथा सार्वजनिक सुनुवाई निम्जल बा ।

समूहके अध्यक्ष सुरेशकुमार कठायतके अध्यक्षतामे हुइल कार्यक्रममे सिएफसीसी पहलमानपुरके अध्यक्ष पुष्कल बहादुर बम वर्का पहुना रहल रहिट । उहाँ समितिहे दिगो बनैटी प्रणाली अनुसार जाई पर्ना बटैलै ।
विशिष्ट पहुना सव डिभिजन वन कार्यालय सुखडके वन रक्षक ड्वलबहादुर साउद वन समितिसे नियम पालन करेवेर हुईबेर कमि कम्जोरीमे साथ डेना बटैलै ।

घोडाघोडी–१० के वडा सदस्य रोहित वम वडामे रहल बजेट पुगटसम सामुदायिक वनमे लगैना बटैलै ।
कार्यक्रममे तुल्सीपुर सामुदायिक वनके सचिव निरक बहादुर वम शुभकामना मन्तव्य व्यक्त करल रहिट । स्वागत मन्तव्य समुहके सचिव धर्म नन्द जोशी, लेखा समिति सयोंजक नरबहादुर देउवा १७ लाख ६३ हजार ७ सय ८२ रुपिया ७९ पैसा बराबरके आय व्यय प्रस्तुतीकरण करल रहिट । संचालन उपभोक्ता दिपक वम करल रहिट ।