सरस्वती सामुदायिक वनके नवौं वार्षिक साधारणसभा निम्जल

पहुरासमाचारदाता
पहलमानपुर, ११ फागुन । कैलाली जिल्लाके भजनी न पा ९ गङ्जाहुवामे रहल सरस्वती सामुदायिक वन उपभोक्ता समूहके नवौं वार्षिक साधारणसभा तथा सार्वजनिक सुनुवाई कार्यक्रम अँटवारके रोज सम्पन्न हुइल बा ।

समुहके अध्यक्ष बुधराम चौधरीके अध्यक्षतामे हुइल कार्यक्रमके वर्का पहुना सिएफसीसी भजनीके अध्यक्ष खोजराम चौधरी रहल रहिट । कार्यक्रममे सम्बोधन करटी उहाँ सामुदायिक वन संरक्षण सम्वद्र्धन ओ सदुपयोग कैसिक करे सेक्जाई कहटी सक्कु ओरसे आत्मसात कैना जरुरी रहल बटैलै ।

कर्यक्रममे संचारकर्मी जीबनकुमार चौधरी सामुदायिक वन लावा सोच ओ लावा विधि अपनाके काम करे पर्ना बटैलै । उ वनके सल्लाहकार समिती सयोजक भीमबहादुर कुडमाल सामुदायिक वन, सव डिभिजन वन, बुद्धिजिवी सकुहुन्के सल्लाह लेके गरिव, बुढापाखा हुक्रन ब्लयाकेट वितरण कैना बटैलै ।

सल्लाहकार समिती सयोजक होमप्रसाद बोहरा १६ लाख ७६ हजार ४सय ६० बराबरके आयव्यय प्रस्तुतीकरण करल रहिट । कार्यक्रममे स्वागत पुर्व अध्यक्ष सन्तराम चौधरी करल रहिट ।