हिल वल्र्ड स्कूके २०औं बार्षिक उत्सव

पहुरा समाचारदाता
धनगढी, १२ फागुन । कैलालीके धनगढी उपमहानगरपालिका–१ मे रहल हिल वल्र्ड इगालिस बोर्डिङ हाई स्कूलके २०औं बार्षिकोत्सव तथा अभिभावक दिवस कार्यक्रम अँटवारके भव्य कार्यक्रमके विच सम्पन्न हुइल बा ।

विद्यालय व्यवस्थापन समिति अध्यक्ष भोजबहादुर बमके अध्यक्षतामे हुइल कार्यक्रममे सुदूरपश्चिम प्रदेश सरकारके आर्थिक ममिला राज्यमन्त्री प्रकाश बहादुर बम प्रमुख अतिथि रहल रहिट । कार्यक्रममे सम्बोधन करटी संस्थागत विद्यालय गुणस्तरीय शिक्षा प्रदान कैनामे भूमिका निर्वाह करटी रहल बटैलै । उहाँ यी विद्यालयके सफलताके शुभकामनाफे व्यक्त करलै । कार्यक्रममे धनगढी उपमहानगरपालिका वडा नम्बर १ के वडा अध्यक्ष सन्तोष भुडभरी, ऐश्वर्य बहुमुखी क्याम्पस प्रमुख धर्मदेव भट्ट, पञ्चोदय माविके पूर्व प्रचार्य यादव प्रसाद जोशीलगायत मन्तव्य व्यक्त करल रहिट । कार्यक्रममे विद्यालयके प्रिन्सिपल डिआर शर्मा विद्यालयके प्रतिवेदन प्रस्तुत करल रहिट ।

उहाँ कहलै, ‘यी विद्यालयसे कक्षा ८ के जिल्लास्तरीय ओ एसइईके परीक्षामे उल्लेखनिय ओ प्रभावकारी नतिजा ल्यन्ना सफल हुइल बा । विद्यालयसे उत्पादित हुइल विद्यार्थी कैयौं डाक्टर, इन्जिनियर, सिए समके उत्पादन करके मुलुकहे आवाश्यक जनशक्ती पुगैलै बा ।’

प्रिन्सिपल शर्मा कहलै, ‘मै उच्च शिक्षाके लाग भारतके टमान कलेज ओ यूनिभरसिटीमे अध्ययन करटी विगत लम्मा समय निजी विद्यालयमे शिक्षकके रुपमे प्रस्तुत हुके गुणस्तरीय शिक्षा ओ विद्यार्थी केन्द्रीत शिक्षा २१ औं सताब्दीके मागहे आवश्यकता ठानके विदेशमे जाके कुछ देशके शिक्षण सस्थाहे अवलोकन करके शिक्षणके टमान प्रविधि लागु करले बटु ।’

२०६१ साल वैशाख २ गते हिल वल्र्ड इङलिस वोर्डिङ हाई स्कुल, धनगढी १, कैलालीमे स्थापना हुइल रहे । स्थापना कालमे पहिल वर्ष ३५ जाने विद्यार्थीसे सुरु करल यी विद्यालयमे अब्बे ५५० जाने विद्यार्थी रहल बटै । विद्यालयसे सुदूरपश्चिम प्रदेशके पहाडी जिल्लाके बालवालिकाहे निम्न शुल्कमे सन्तुलित भोजनके प्रवन्ध करके आवासमेफे ३५ जाने विद्यार्थी रहल प्रिन्सिपल शर्मा बटैलै ।

ओस्टेक करे विद्यालयसे पञ्चोदय माविके पूर्व प्रिन्पिल यादव प्रसाद जोशी, शारदा विद्या निकेतनके प्रिन्सिपल भुपेन्द्र बलायर, पत्रकार महासंघके कैलालीके अध्यक्ष श्रवण देउवा, निबर्तमान अध्यक्ष हिमालय जोशी, दृष्टि फाउण्डेशनके सञ्चालिका कल्पना भट्ट, लक्ष्मी कुमारी बोगटी, कल्पना काफले, छत्र बम, नरबहादुर चौधरी, मनिकान्त मिश्र, तपेन्द्र भुषाल, नवराज पन्त, देवी प्रसाद जोशी, तिलकराम चौधरी, ललिता शाही, रामदिन चौधरी, जान अलाम, प्रमोद श्रेष्ठ, तारादेवी विष्टलगायत सम्मानित हुइल बटै ।