महाशिवरात्री महोत्सव सम्पन्न
पहुरा समाचारदाता
धनगढी, १४ फागुन । सर्वमान्य शिव परमात्मा अवतरण दिवस महाशिवरात्रीके पावन अवसरमे धनगढीमे महाशिवरात्री महोत्सव सम्पन्न हुइल बा ।
व्रहमाकुमारी ईश्वरीय विश्व विद्यालय धनगढी कैलालीके आयोजनामे बुधके रोज सुदूरपश्चिम प्रदेश सरकार प्रमुख नजिर मियाके प्रमुख आतिथ्यतामे महाशिवरात्री महोत्सव हुइल हो । कार्यक्रममे सम्बोधन करटी उहाँ समाजमे रहल विकृति ओ विसगतीहे अन्त्य कैना आध्यात्मिक जागरण आवश्यक रहल बटैलै । समाजमे पछिल्का समय विकृति ओ विसङगति बह्रल डेखजाइठ, उहीहे अन्त्य कैना आध्यात्मिक जागरण आवश्यक बा’ प्रदेश प्रमुख मियाँ कहलै ‘यैसिन कार्यक्रमसे समाजमे आध्यात्मिक जागरण फैलैना मद्दत करठ ।’
उहाँ कहलै, ‘सुदूरपश्चिम प्रदेश धर्म, संस्कृति, पर्यटनलगायतके दृष्टिमे सुन्दर रहल ओरसे यिहीहे उजागर कैना ब्रह्माकुमारी ईश्वरीय विद्यालयसे पहल कैना जरुरी बा ।’
कार्यक्रममे विशिष्ट पहुना सुदूरपश्चिम प्रदेशसभा सदस्य माननीय तुल्सी देवकोटा, माननीय सन्तोष शर्मा, पूर्व माननीय टेकबहादुर रैका, सुदूरपश्चिम प्रदेशके न्यायधिवक्ता ठेकेन्द्रराज जोशी, शिक्षा विद डा. हेमराज पन्त, मुस्लिम समाजके अध्यक्ष नैनमुद्धिन भाट, शान्ति सिंह, सिद्धराज पनेरु, गुनदिप सिंह, व्रहमाकुमारी ईश्वरीय विश्व विद्यालयके कानूनी सल्लाहकार विरबहादुर जेठरालगायत मन्तव्य व्यक्त करल रहिट ।
ब्रहमाकुमारी ईश्वरीय विश्व विद्यालय धनगढी कैलालीके प्रमुख सञ्चालिका हिरा दिदीके अध्यक्षतामे हुइल कार्यक्रममे उहाँ विकार ओ विकृतिसे डुबल मानवके मनहे भगवानसे नैस्विकर्ना बटैटी अपन मनभिटरके विकृति ओ नकारात्मक गतिविधिहे त्यागे सेक्लेसे सक्कु जानेक कल्याण हुइना बटैली ।
कार्यक्रममे स्वागत मन्तव्य सह सञ्चालिका दुर्गा बहिनी करल रहिट । कलेसे संचालन हेमराज भण्डारी करल रहिट । ओस्टेक महाशिवरात्री महोत्सवमे आध्यामिक प्रवचन तथा विविध सांस्कृतिक कार्यक्रम, ज्योतिर्लिङ रथयात्रा ¥याली ओ झण्डारोहण कैगिल बा ।
