हसुलिया–काठमाडौं एसी बस सेवा सुरु

पहुरा समाचारदाता
हसुलिया, १५ फागुन । सुदूरपश्चिम यातायात प्रालि धनगढी कैलालीसे कैलालीके कैलारी गाउँपालिका हसुलियासे काठमाडौंसमके एसी बस सेवा सुरु करले बा ।

प्रालिसे फागुन १५ गते बिफेक रोजसे कैलारीके हसुलिया, फुलवारी हुइटी राजधानी काठमाण्डौँसम एसी बस सेवा सुरु कैटी आपन थप सेवा विस्तार करल हो । कैलारी गाउँपालिकाके अध्यक्ष राजसमझ चौधरी एक कार्यक्रमके बिच बस सेवाके उद्घाटन करल रहिट ।

गाउँघरके यात्रुहे मध्यनजर कैटी यातायातमे सहजताके लाग सेवा विस्तार करल सुदूरपश्चिम यातायात प्रालिके अध्यक्ष पदमराज सापकोटा बटैलै । उहाँ हसुलिया से काठमाण्डौं प्रत्येक दिन दिनके एक बजे बस छुट्ना फेन जानकारी डेलै ।

उहीसे आघे गैल माघ २२ गते कर्णाली रिभर साइड यातायात प्रालि फेन हसुलिया–काठमाण्डौं बस सेवा सुरु करल रहे ।