नेपाल पुस्तक तथा स्टेशनरी व्यवसायी संघ कैलालीके अध्यक्षमे नेगी

पहुरा समाचारदाता
कैलाली, १७ फागुन । नेपाल पुस्तक तथा स्टेशनरी व्यवसायी संघ कैलालीके अध्यक्षमे नरबहादुर नेगी निर्वाचित हुइल बटै । धनगढीमे शनिच्चरके सम्पन्न संघके १६ औं वार्षिक साधारण सभा तथा ८ आठौं अधिवेशनसे अध्यक्ष नेगी सहित सम्पुर्ण कार्य समिति निर्बिरोध चयन करले बा ।

ओस्टेक करके संघके वरिष्ठ उपाध्यक्षमे निम प्रसाद मिश्र, उपाध्यक्षमे विवेकानन्द ठाकुर, सचिवमे कृष्ण प्रसाद पण्डित ओ कोषाध्यक्षमे घनश्याम ओझा निर्विरोध चयन हुइल बटै ।

ओस्टेक संघके सदस्यमे बासुदेव रेग्मी, गोबिन्द प्रसाद अवस्थी, अनिल झा, इशु आचार्य ओ पुष्पा ऐरी निर्वाचित हुइल निर्वाचन अधिकृत मोहन भण्डारी बटैलै ।

यी आघे निवर्तमान अध्यक्ष भीम पडालके अध्यक्षतामे हुइल संघके साधारण सभाके सुदुरपश्चिम प्रदेशके सामाजिक विकास मन्त्री मेघराज खड्का उदघाटन करल रहिट ।