कैलारीमे बालिका तथा समावेशी शिक्षा सञ्जालके पुनःगठन

पहुरा समाचारदाता
धनगढी, १९ फागुन । कैलाली गाउँपालिकामे शैक्षिक सुधारके लाग बालबालिका तथा समावेशी शिक्षा सञ्जालके पुनःगठन हुइल बा ।

कैलारी गाउँपालिका शिक्षा शाखाके समन्वयमे शिक्षाका लागि राष्ट्रिय अभियान सुदूरपश्चिम प्रदेशके आयोजनामे सोम्मारके रोज हसुलियामे हुइल बैठकसे बालबालिका तथा समावेशी सञ्जालके पुनःगठन हुइल हो ।

समितिके संयोजकमे गाउँपालिका उपाध्यक्ष भगवतीकुमारी चौधरी रहल बटी । ओस्टेक सदस्यमे प्रमुख प्रशासकीय अधिकृत खगेन्द्रराज जोशी, सदस्यमे वडा नम्बर ५ के वडा अध्यक्ष विष्ण्ु प्रसाद चौधरी, सदस्यमे वडा सदस्य शोभा परिवार, अनारकली चौधरी, महिला तथा वालबालिका शाखा प्रमुख बालकुमारी चौधरी, स्वास्थ्य शाखा प्रमुख नरेशकुमार चौधरी, इप्रका प्रमुख दिगज ठकुराठी, संचारकर्मी प्रेम चौधरी, विव्यस अध्यक्ष प्रेमबहादुर चौधरी, शिक्षक ज्ञानु शाह, प्रअ नविलाल चौधरी रहल बटै । ओस्टेक और सदस्यमे बाल क्लवसे जेलिना चौधरी, सन्देश चौधरी, सीडिसीके करुणा चौधरी, चेतनशिल सहकारीसे कृष्णा चौधरी, शसक्त आवाजसे आरती चौधरी, अपाङता रहल व्यक्तिसे दुई जाने शिक्षक अभिभावक संघसे दिपेन्द्रके विसराम चौधरी ओ सदस्य सचिव कैलारी गाउँपालिकाके शिक्षा शाखा प्रमुख गणेश प्रसाद मिश्र रहल बटै ।

कार्यक्रममे सहजीकरण शिक्षाका लागि राष्ट्रिय अभियान सुदूरपश्चिम प्रदेशके अधिकृत एकराज बडु ओ शिक्षा शाखा प्रमुख गणेश प्रसाद मिश्र करल रहिट । बालिका, अपाङ्गता हुइल तथा सीमान्तकृत बालबालिकाके शिक्षाके सुनिश्चितितामे पहुँच, सहभागिता ओ सिकाई उपलब्धीमे सुधारके लाग योजना तर्जुमा तथा कार्यान्वयन सहजीकरणके लाग स्थानीय तहमे स्थानीय बालिका तथा समावेशी शिक्षा सञ्जाल गठन करल हो ।

समितिके संयोजकमे गाउँपालिका उपाध्यक्ष भगवतीकुमारी चौधरीके अध्यक्षतामे हुइल कार्यक्रममे गाउँपालिका अध्यक्ष राजसमझ चौधरी शैक्षिक सुधारके लाग गठन हुइल समितिहे रणनितिक योजना बनाके आघे बह्रना ओ सक्रियताके साथ भूमिका निर्वाह कैना आग्रह करलै ।