जनकल्याण मावि ‘के गाउँ’ मे रुपान्तरण कक्षा सञ्चालन

पहुरा समाचारदाता
हसुलिया, २४ फागुन । कैलारी गाउँपालिका वडा नम्बर ४ स्थित जनकल्याण मावि ‘के गाउँ’ मे रुपान्तरण कक्षा सुरु हुइल बा ।
युनिसेफके आर्थिक ओ प्राविधिक सहयोगमे सामुदायिक विकास केन्द्र डोटी (सिडिसी)से सञ्चालित ‘किशोरी सशक्तीकरण परियोजना’ अन्र्तगत रुपान्तरण कक्षा सञ्चालन हुइल हो ।

कैलारी गाउँपालिका वडा नम्बर ४ के वडा अध्यक्ष ठागुराम चौधरी रुपान्तरण कक्षाके उदघाटन करल रहिट । कार्यक्रममे सम्बोधन करटी उहाँ यी कक्षा सञ्चालनसे समाजमे रहल नैमजा प्रथा, गलत परम्परा हटैनामे टेवा पुग्न बटैलै ।
उहाँ कहलै, ‘यूवाहे अब्बे मजा शिक्षा, संस्कार सिखैना जरुरी बा । रुपान्तरण कक्षा संचालन हुइलपाछे समाजमे रहल नैमजा विकृति हटाई सेक्जाई ।’

कार्यक्रममे सामुदायिक विकास केन्द्रसे सञ्चालित ‘किशोरी सशक्तीकरण परियोजना’ के कार्यक्रम अधिकृत करुणा चौधरी रुपान्तरण कक्षाके उद्देश्य, परिचयबारे जानकारी डेहल रही । उहाँ पोषणके क्षेत्रमे गर्भावास्थासे पाँच बर्षसमके बालबालिका, बालसंरक्षणमे लैङिक हिंसा, विद्यालय सुरक्षामे खानेपानी सरसफाईके क्षेत्रमे काम करलफे बटैली ।

ओस्टेक टमान विषयबस्तुबारे जानकारी जनकल्याण माविके विद्यार्र्थी साथी सहजकर्ता समृद्धि सुनार डेहल रहिट । किशोर किशोरीहुक्रे यहाँ सिखल बाट और जनहनहे सिखाइक लाग तालिमके आयोजना करल बटैली ।

रुपान्तरण कक्षा उदघाटन कार्यक्रममे विद्यालयके प्रअ हनुमान चौधरी, विद्यालय व्यस्थापन समिति अध्यक्ष हरिनारायण चौधरीलगायतके सहभागिता रहे । रुपान्तरण कक्षा प्रत्येक शुकके रोज हुइना ओ सक्कु मिलाके ४२ ठो सेसन रना बा ।