“प्रदेश निजामति सेवा ऐन (पहिल संशोधन) हम्रिहिनहे अन्याय करल”
पहुरा समाचारदाता
धनगढी, २५फागुन । सुदूरपश्चिम प्रदेश सरकारसे प्रदेश निजामति सेवा ऐन (पहिल संशोधन) २०८० थारुहुकनहे भारी अन्याय करल थारू–रानाथारू आन्दोलन परिचालन समितिके आरोप बा ।
थारू–रानाथारू आन्दोलन परिचालन समितिसे प्रधानमन्त्री केपी शर्मा ओलीहे करिया पट्टी देखैटि एलएन चोकसम विरोध र्याली निकरले रहे । र्यालीके कोण सभाहे सम्बोधन करटि आन्दोलन समितिके संयोजक सानु चौधरी सुदूरपश्चिम प्रदेश सरकार थारुहुकनहे देशके नागरिक हुइटैं कहिके स्वीकार नैकरल आरोप लगैलैं ।
उहाँ कलैं, ‘प्रधानमन्त्री धनगढी पुगल बेला का थारुहुक्रे धनगढीके सडकमे नेंगे फेन नैपैहिँ, का यी देश थारुहुकनके नैहो ? हम्रे शान्तिपूर्ण आन्दोलन करटि, केक्रो गोझुमेसे अधिकार मागल नैहुइटि, केक्रो सम्पत्तिफेन मग्ले नैहुइटि ।’
प्रदेश सरकार सब जातजातिहुकनहे जनसंख्याके आधारमे अधिकार डेहल मने थारुहुकनहे अपहेलना करल यी सरकार हह्रिहिनहे बेवास्ता करल हो । यदि यी ऐन सशंसोधन नैहुइ कलेसे सडक ओ सडन दुनुमे आन्दोलन करना चौधरीके चेतावनी रहे । कोणसभामे रानाथारु, थारु अगुवा लगायत सम्बोधन करले रहैं ।
