कैलारीमे ढकिया,डालो ओ बास्केट बनैना तालिम निम्जल

पहुरा समाचारदाता
हसुलिया, २९ फागुन । कैलारी गाउँपालिका महिला तथा बालबालिका शाखाके आयोजनामे महिलाहुकनहे ढकिया, डालो ओ बास्केट बनैना तालिम डेगिल बा ।

महिलाहुकनके लाग सीप तथा व्यवसाय विकास कार्यक्रम अन्र्तगत ढकिया,डालो ओ बास्केट बनैना सीप विकास तालिम डेहुवाइल कैलारी गाउँपालिकाके महिला तथा बालबालिका शाखा प्रमुख बालकुमारी चौधरी बटैली । तालिमके आयोजना फागुन १२ गतेसे सुरुवाट कैगिल रहे ।

तालिम समापन कार्यक्रम कैलारी गाउँपालिका सामाजिक विकास समिति संयोजक तथा वडा नम्बर ३ के वडा अध्यक्ष सन्तराम चौधरीके प्रमुख आतिथ्यतामे सम्पन्न हुइल बा ।

समापन कार्यक्रममे सम्बोधान कैटी उहाँ ढकिया, डालो ओ बास्केट अब्बे माग बह्रल कहटी महिलाहुकनहे यिहीहे व्यावसायिक रुपमे आघे बह्रैना आग्रह करलै । यी व्यवसायसे महिलाके आर्थिक स्रोत बह्रैनामे टेवा कहटी महिला उद्यमीसे तयार पारल चिजहे गाउँपालिकासे प्रवद्र्धन कैडेना जिम्मा लेना उहाँ बटैलै ।