पौवाके सक्कु शाखामे निःशुल्क स्वाद लेहे पैना
पहुरा समाचारदाता
धनगढी, २२ चैत । होटल पौवा आपन बार्षिकोत्सवके उपलक्ष्यमे यिहे चैत २५ गतेसे २९ गतेसम यी होटलके सक्कु शाखामे निशुल्क स्वाद लेहे पैना जनैले बा ।
शुकके रोज धनगढीमे पत्रकार सम्मेलन कैके करके नेपालभरके रहल आपन १८ शाखामे एकसाथ ‘स्वादोत्सव’ आयोजना हुई लागल जानकारी करागिल हो ।
‘जहाँसे आतिथ्यके सुरुवात हुइठ’ कना मूलमन्त्रके साथ नेपालके लाग नेपाली हस्पिटालिटीसहितके सेवा डेना मेरिक स्थापना हुइल होटल पौवाके स्थापनाके नवौं वार्षिकोत्सवके अवसरमे स्वादोत्सव कार्यक्रम आयोजना करटि रहल धनगढी शाखाके महाप्रबन्धक महेश सिंह जानकारी करैलैं । स्वादोत्सवमे नेपाली स्वाद संस्कृति झल्कना मौलिक खानाके प्रस्तुति रहि ।
यी स्वादोत्सवके माध्यमसे होटल पौवा नेपाली स्वाद, संस्कृति ओ आतिथ्य संस्कारहे राष्ट्रिय तथा अन्तर्राष्ट्रिय स्तरमे चिन्हैना लक्ष्य रहल बा । स्वादोत्सवमे पहुनाहुकनके डेहल प्रतिक्रियासे सेफहुकनके अनुभवमे निख्खरता आके क्षमता अभिबृद्धि करना मद्दत पुग्ना विश्वास पौवा लेले बा । यी उत्सवके औरे महत्वपूर्ण लक्ष्य कलेक स्थानीय किसानके खाद्य एवं तरकारीहे प्रोत्साहन समेत करना हो ।
उत्सवमे भाग लिहेक लाग सक्कु शाखासे दुई लाख स्थानीय तथा बाह्य पाहुनाहुकनहे भेट कैके निउटा डेहल बा । उ सक्कु पहुनाहुकनहे पौवामे आके खानाके स्वाद लेहेक लाग पौवा आग्रह फेन करले बा ।
अस्टेक, नयाँ वर्षके अवसरमे धनगढीमे रहल होटल पौवासे नयाँ वर्षके पूर्व सन्ध्यामे विविध सांगीतिक कार्यक्रम करना जनैले बा । चैत ३१ गते साँझ हुइना कार्यक्रममे थारु संस्कृतिमे आधारित सांगीतिक कार्यक्रमसे सुरु हुइना ओ राष्ट्रिय कलाकार तथा स्थानीय कलाकारहुक्रे मनोरञ्जनके कार्यक्रम रहल पौवा धनगढी शाखाके महाप्रबन्धक सिंह जनैलैं ।
विश्व शान्तिके दूतगौतम बुद्धके जन्मस्थल लुम्बिनीसे यात्रा सुरु हुइल होटल पौवामे हाल सात सय ढेर जाने प्रत्यक्ष रोजगारी प्राप्त करल होटल पौवाके ब्राण्डिङ प्रमुख विष्णु भण्डारी जानकारी करैले बटैं ।
