धनगढीसे जनकपुरसम ‘राज सिंहासन’ एसी सोफा बस सेवा सुरु

पहुरा समाचारदाता
धनगढी, ११ बैशाख । सुदूरपश्चिमहे धार्मिक नगरी जनकपुरसँग जोरना उद्देश्यसहित सुन्दर सुदूपश्चिम यातायात प्रा.लि. से शुककसे धनगढी–जनकपुर ‘राज सिंहासन’ स्तरीय एसी सोफा बस सेवा शुभारम्भ करले बा ।

दैनिक रुपमे सञ्चालन हुइना धनगढी–जनकपुर–धनगढी रुटमे चल्न यी बस सेवासे नम्मा दूरीके यात्रुहे सहज, सुरक्षित ओ आरामदायी यात्रा प्रदान कैना विश्वास लेहल बा । आधुनिक सुविधायुक्त एसी सोफा सिटसहितके बससे विशेष करके धार्मिक तथा आन्तरिक पर्यटन प्रवद्र्धनमे टेवा पुग्न अपेक्षा करल बा ।

प्रालिके अध्यक्ष पदमराज सापकोटाके अनुसार धनगढीहे धार्मिक पर्यटन शहर जनकपुरसँग सिधा रूपमे जोरना लक्ष्यसहित सेवा सञ्चालनमे ल्यानल हो । “यी सेवासे यात्रुहुकनके समय बचत कैनाके साथे सहज ओ आरामदायी यात्रा अनुभव डेहुवाई,” उहाँ बटैलै ।

यी बस सेवामे व्यवसायी श्रवण जयसवाल ओ उमेश यादवसे करोडौं रुप्या लगानी करले बटै । ओइनके अनुसार गुणस्तरीय सेवा प्रदान करटी यात्रुके विश्वास जित्न लक्ष्य लेहल बा ।

नयाँ सेवा सञ्चालनसंगे सुदूरपश्चिम ओ मधेस प्रदेशबीचके आवागमन थप सुदृढ हुइना ओ धार्मिक पर्यटनसँगे व्यापारिक गतिविधिमे समेत सकारात्मक प्रभाव पर्ना अपेक्षा करल बा ।