व्यावसायिक सुरक्षाके माग

पहुरा समाचारदाता
धनगढी, १७ बैशाख । व्यवसायीहुक्रे उपभोक्ताहुकनहे चाहल अनुसार सेवा प्रदान कैना तयार रहल मने व्यावसायिक सुरक्षा पाई नैसेकल बटैले बटै ।

कैलाली उद्योग वाणिज्य संघ ओ इन्सेक सुदूरपश्चिम प्रदेश कार्यालय, धनगढीके संयुक्त आयोजनामे विफेक रोज धनगढीमे हुइल व्यवसाय ओ मानव अधिकार सम्बन्धी राष्ट्रिय कार्ययोजना २०८०÷२०८५ कार्यान्वयनके अवस्था विषयक अन्तरक्रिया कार्यक्रममे व्यावसायीहुक्रे उ माग करल हुइट ।

व्यवसाय ओ मानव अधिकार बिचके सम्बन्ध, उपभोक्ताके अधिकार ओ राज्यके दायित्व तथा जिम्मेवारीबारे छलफल कैना उद्देश्यसे व्यवसाय ओ मानव अधिकार सम्बन्धी राष्ट्रिय कार्ययोजना २०८०÷२०८५ कार्यान्वयनके अवस्था विषयक अन्तरकृया कार्यक्रमके आयोजना करल रहे । कैलाली उद्योग वाणिज्य संघके अध्यक्ष पुष्कर ओझा सुदूरपश्चिम प्रदेशके मुख्य बजारके रुपमे रहल धनगढी बजार झिलीमिली हुइटी रहल बेला व्यावसायीहुक्रे अपन पसल रातके ९ बजे बन्द करेपर्ना दुखद बाट हो ।

व्यावसायीहुक्रे उपभोक्ताहुकनके चाहाना अनुसार जटराजुनसमफे बजार खोले पाई हो, मने सुरक्षाके ग्यारेन्टीफे नैहो, खोल्न अनुमतिफे नैहो, धनगढीके कुछ क्षेत्रमे लागु परेपर्ना डेखजाइठ । व्यवसाय ओ उपभोक्ताहुकनके सहजताके लाग रात्रिकालिन बजारसंगे शान्तिसुरक्षा व्यवस्थापन ओ पर्यटकिय प्रवद्र्धनके लाग होटेल व्यवसायीहरुसंग समन्वय हुइटी बा ।

नीति क्षेत्र सबसे ढेर रोजगारी सृजना करल ओरसे नीजि क्षेत्रमे काम कैना श्रमिकहुकनके स्वास्थ्य ओ सुरक्षाके बारेमे पोलिसि बनाके काम करेपर्ना उहाँ बटैलै ।

इन्सेक सुदूरपश्चिम प्रदेश संयोजक खडकराज जोशी व्यवसायीहुकनके लाग राज्ये नीति ओ ऐन ल्यानसेकल हुइलेसेफे कार्यान्वयन करे नैसेक्के व्यवसायीहुकनहे जानकारी हुई नैसेकल बटैलै ।

उहाँ व्यवसायीहुक्रे अपन हक अधिकारके लाग राज्यसंग समन्वय करेपरठ ओ उपभोक्ताहुकने बजारसंग सहज पहुँचके वातावरण बनाके व्यवसायमे प्रवद्र्धन करे परठ। उद्योगमे काम कैना श्रमिकके काम कैना समय ओ न्युनतम ज्याला तथा अधिकार संरक्षण ओ प्रवद्र्धन करेपर्ना बटैलै ।

जिल्ला अदालत बार एशोसियशनके अध्यक्ष नाथुराम महतो व्यवसाय, उपभोक्ता, नीजि क्षेत्रके श्रमिक विचके सम्बन्ध ओ मानव अधिकार संरक्षण प्रवद्र्धन ओ बजारसंग सहज पहँुच हुईपर्ना बटैलै ।

घरेलु तथा साना उद्योग कार्यालयके प्रमुख पार्वती भट्ट उपभोक्ताहुकनके स्वास्थ्यसंग जोरल अखाद्य मिसावत हुइल गुणस्तरहिन बस्तु खुलेआम बिक्री वितरण हुइटी रहल ओरसे व्यवसायीहुक्रे ध्यान डेना आवश्यक रहल बटैली ।

गैरसरकारी संघसंस्था सुदूरपश्चिम प्रदेश अध्यक्ष देवीप्रसाद खनाल राज्यसे उपभोक्ता, श्रमिक ओ व्यावसायीहुकनके हकहितके लाग कानून बनाके कार्यान्वयन नैकरल अवस्थामे व्यवसायीहुक्रे राज्यहे खबरदारी करेपर्ना बटैलै ।

राष्ट्रिय अपाङ्ग महासंघ सुदूरपश्चिम प्रदेश सचिव नरदिप धामी उद्योग वाणिज्य संघसे व्यवसाय वा उद्योग कलकारखानामे तथा भौतिक संरचना निर्माण करेबेर अपाङ्गमैत्री हुईपर्ना बटैलै ।

साना तथा घरेलु उद्योग महासंघके अध्यक्ष धनबहादुर चौधरी व्यवसायीहुक्रे उपभोक्ता ओ श्रमिकहुकनके बजारसम सहज पहँुचके वातावरण सृजना करके व्यवसाय सञ्चालन करेपर्ना बटैलै ।

राष्ट्रिय मानव अधिकार आयोगके प्रमुख मानबहादुर कार्की व्यवसाय ओ मानव अधिकार, राज्यके दायित्व— मानव अधिकार, संयुक्त राष्ट्र संघमे व्यवसाय ओ मानव अधिकार सम्बन्धी निर्देशक सिद्धान्त, मानव अधिकारके तीन खम्बे, व्यवसायजन्य कृयाकलापसे मानव अधिकारमे पर्ना प्रभाव, व्यवसाय ओ मानव अधिकार सम्बन्धी राष्ट्रिय कार्ययोजना, सिद्धान्त बमोजिम बनल कार्ययोजनामे समेटद विषय बस्तु, राष्ट्रिय कार्ययोजनाके अनुगमन तथा मुल्याङ्कन, आयोगके भुमिका ओ राष्ट्रिय कार्ययोजनासे अपेक्षा करल उपलब्धीबारे प्रतुतीकरण करल रहिट ।