विपद स्वयंसेवक परिचालन आधारभूत तालिम सुरु

पहुरा समाचारदाता
धनगढी, १८ बैशाख । विपद जोखिम न्यूनिकरण करेक लाग स्थानीय स्तरमे मानविय जनशक्ति तयार करेक लाग चार दिने विपद स्वयंसेवक परिचालन आधारभूत तालिम सुरु हुइल बा ।

लुथरन विश्व फेडरेशनके सहयोगमे मुक्त कमैया महिला विकास मञ्चसे समुदाय सशक्तीकरण तथा विकासका लागि स्थानीय पहल परियोजना अन्र्तगत विपद स्वयंसेवक परिचालन आधारभूत तालिम सुरु हुइल हो ।

मुक्तकमैया महिला विकास मञ्चके अध्यक्ष सीमा चौधरीके अध्यक्षतामे हुइल उदघाटन कार्यक्रममे मञ्चके संस्थापक अध्यक्ष कौशिला चौधरी स्वागत मन्तव्य रख्टी यी तालिम अपन अनुभव सिख्ना सिखैना अनुभव साटासात करटी विपद सम्बन्धी ठप नयाँ बाट सिख्ना अवसर प्रदान हुइना बटैली ।

लुथरन विश्व फेडरेशनके कार्यक्रम संयोजक मानध्वज खत्री स्थानीयस्तरमे मानविय जनशक्ति उत्पादन करेक लाग तालिमके आयोजना कैगिल बटैलै । विपद जोखिम न्यूनिकरणके लाग समुह हुइलेसे झन मजा हुइना कहटी यूवाहुकनके संजाल बनाइक लाग तालिम प्रदान करल उहाँ बटैैलै । कार्यक्रम संचालन मुक्त कमैया महिला विकास मञ्चसे समुदाय सशक्तीकरण तथा विकासका लागि स्थानीय पहल परियोजनाके परियोजना अधिकृत चेतमान साउद करल रहिट । तालिममे नेपालमे विपद ओ विपद जोखिम न्यूनिकरण तथा व्यवस्थापन सम्बन्धी कानूनी व्यवस्था, बहुप्रकोपिय पूर्वसूचना प्रणाली ओ पूर्वानुमानमे आधारित पूर्व कार्य, विपद स्वयंसेवक व्यूरो गठन तथा परिचालन, प्राथमिक उपचार ओ आकस्मिक उपचार सेवा प्रणाली, घाहिलहुकनके जाँच तथा प्रयोगात्मक अभ्यासबारे सिखैना जनागिल बा ।

ओस्टेक करके जीवनके आधारभूत सहारा, बाह्रा बस्तुसे स्वासमार्गमे अवरोध, डुबाई तथा फोक्सा मुटुके पुनः संचालन (कार्डियोपल्मोनरी रिसस्सिटेसन ओ सिपिआर), रक्तश्राव,क्षोभ ओ नरम तन्तुके क्षति तथा उपचार (प्रयोगात्मक अभ्यास), हाड भचाई, खप्पर, मेरुदण्ड, छात्तीके चोट तथा उपचार (प्रयोगात्मक अभ्यास), जरना÷डहना, बिस टोकाई तथा वातावरणीय आस्मिकता (प्रयोगात्मक अभ्यास कक्षामे प्रदर्शन ओ अभ्यास करैना), घाहिलहुकनहे उठैना ओ स्थान्तरण कैना बारे तालिम डेना बा ।

ओस्टेक करके घाहिलके प्राथमिकीकरण (ट्रियाज), डोरीके प्रकार तथा व्यवहारिक प्रयोगके विधि, सडक दुर्घटना ओ चटयाङ, दुर्घटनाग्रस्त सवारी साधानसे घाहिलहे उद्दार करेबेर अपानाईपर्ना उपाय, भूकम्पके पूर्वतयारी, योजना तथा प्रतिकार्यके विधि, आगी जन्य विपद ओ प्रतिकार्यके विधि, बाढ पहिरो तथा पानीजन्य विपदमे खोज उद्दारविधि तथा आवश्यक सामाग्री सम्बन्धी तालिम प्रदान कैगिल बा ।

उ तालिममे नेपाल रेडक्रस सोसाइटी कैलालीके सभापति लोकराज जोशी सहजीकरण करटी रहल बटै । तालिममे सुदूरपश्चिम, कर्णाली ओ लुम्बिनी प्रदेशसे सहभागिता रहल बा । शुकके रोजसे सुरु हुइल तालिम २१ गते समापन हुई ।