चैतन्य पाठशालासे महासंघहे एसी सहयोग
पहुरा समाचारदाता
धनगढी, २२ बैशाख । विश्व प्रेस स्वतन्त्रता दिवसके अवसर पारके चैतन्य पाठशाला धनगढीसे नेपाल पत्रकार महासंघ सुदूरपश्चिम प्रदेश समितिहे एक थान एयर कन्डिसन (एसी) सहयोग करले बा ।
पाठशालासे अपन सामाजिक उत्तरदायित्व कार्यक्रम अन्तर्गत महासंघके सुदूरपश्चिम प्रदेश समितिहे एसी हस्तान्तरण करल जनैले बा ।
पाठशालाका प्रमुख कार्यकारी अधिकृत (सिईओ) गणेश प्रसाद जोशी महासंघके प्रिफाईवसे बनल भवनमे अध्याधिक गर्मीके बेला कामकाजमे असहज हुइल डेखके एसी सहयोग करल बटैलै । विद्यालयके प्राचार्य प्रेमनीधि ओझा मंगर एक कार्यक्रमके बीच महासंघके अध्यक्ष भरत शाहहे एसी हस्तान्तरण करल रहिट ।
नेपाल पत्रकार महासंघ सुदूरपश्चिम प्रदेश समितिके धनगढी उपमहानगरपालिका वडा नम्बर १ मा प्रिफाईवके भवन रहल बा । बह्रटी गर्मीके कारण कामकाजमे बाधा परटी रहल बेला चैतन्य पाठशालाहे अध्यक्ष शाह धन्यवाद डेलै । उहाँ चैतन्य पाठशालासे करल सहयोगसे महासंघके संस्थागत कामकाज सहज हुइना बटैलै ।
