चैतन्यसे कक्षा ११ मे ४५ जनहन पूर्ण छात्रवृति डेना
पहुरा समाचारदाता
धनगढी, २९ बैशाख । कैलाली जिल्लाके धनगढी उपमहानगरपालिका–५ शिवनगर स्थित चैतन्य पाठशालासे कक्षा ११ मे ४५ जाने विद्यार्थीनहे पूर्ण रुपमे छात्रवृति डेना जनैले बा ।
चैतन्य पाठशालासे स्थापनाकालसे सामाजिक उत्तरदायित्व बहन करटी आइल यी बर्षफे एसइई परिक्षा पास हुइल प्रतिभाशाली तथा जेहेन्दर विद्यार्थीनके लाग विशेष छात्रवृतिके निरन्तरता डेटी कक्षा ११ मे ४५ जनहनहे पूर्ण छात्रवृति डेना पाठशालाके अध्यक्ष गणेश प्रसाद जोशी बटैलै ।
पाठशालासे मंगरके रोज आयोजित पत्रकार सम्मेलनमे इन्ट्रान्समे टप हुइल २५ जाने, सुदूरपश्चिम प्रदेशके प्रत्येक जिल्लासे २ जाने विद्यार्थीनहे पूर्ण छात्रवृति प्रदान कैना अध्यक्ष जनैलै । ओस्टेक करके द एपिआई एजुकेशन प्रोजेक्ट अन्र्तगत १÷१ जाने छात्र÷छात्राहे व्यवस्थापन संकायमे (आवसिय सुविधासहित) पूर्ण छात्रवृति प्रदान कैना उहाँ जनैलै ।
एसइई पास हुइल जहाँक फे विद्यार्थीनहे पूर्ण छात्रवृतिके लाग बैशाख २९ गतेसे छात्रवृति फारम वितरण खुलल उहाँ जनैलै । आवेदन जेठ ८ गतेसम डेहे सेक्ना ओ छात्रवृति परिक्षा जेठ ९ गते विहान ११ खुल्ना उहाँ जनैलै ।
छात्रवृति डेहे चाहुइया विद्यार्थीनसे निवेदन पत्र, जन्मदर्ताके प्रमाणपत्रके प्रतिलिपि, एसइई नतिजाके मार्कसिट, सम्बन्धित वर्ग खुल्ने प्रमाणपत्र ओ पासपोर्ट साइज फोटु डेहे पर्ना बा ।
शिक्षा ओ संस्कारके संगम, वेद ओ विज्ञानके संयोजन, प्रकृति ओ संस्कृतिके सम्मानके लाग चैतन्य पाठशाला कना नाराके साथ पठनपाठन हुइटी पाठशालामे गैल बरससे कक्षा ओ १२ सुरु कैगिल बा ।
विद्यालयके अध्यक्ष जोशी कहलै, यहाँ काठमाण्डौमे प्रदान हुइल शिक्षा डेजैटी बा । काठमाण्डौमे बैठके पह्रे ढेर आर्थिक भार परे सेक्ठ । वहाँ पैना सेवा हम्रे यिहे सुरु करले बटी । विद्यार्थीहुक्रे अपने घर बैठके उ शिक्षा हासिल कैना सुविधा हुइल बा ।
कार्यक्रमके संचालन विद्यालयके निर्देशक कटकबहादुर सिंह करले रहिट । कार्यक्रममे विद्यालयके प्रअ प्रेमनिधि ओझालगायत संचारकर्मीनहे सहभागिता रहे ।
