नवजीवन सहकारीके अध्यक्ष गोपाल राज पाठक विजयी
पहुरा समाचारदाता
धनगढी, ११ जेठ । कैलाली जिल्लाके अग्रणी सहकारी नवजीवन सहकारी संस्था लिमिटेड धनगढीके अध्यक्ष पदमे गोपाल राज पाठक विजयी हुइल बटै ।
लौवा कार्यस समितिके लाग तीन प्यानल विच कडा प्रतिस्पर्धा हुईबेर पाठक अपन निकटम प्रतिद्वन्दी केशवराज मिश्रसे ३१५ मत ढेर ल्यानके विजयी हुइल बटै । नवनिर्वाचित पाठक ४ हजार ७८४ मत ल्यान रहिट कलेसे मिश्र ४ हजार ४६९ मत ल्यान्ले बटै । ओस्टेक करके अध्यक्ष पदमे प्रतिस्पर्धामे उटरल घन बहादुर शाह ३ हजार ६४४ मत ल्यान्लै ।
ओस्टेक करके उपाध्यक्षमे उत्तम जोशी ४ हजार ३०३ मत ल्यानके विजयी हुइल बटै । उपाध्यक्ष पदके चुनावी प्रतिस्पर्धामे उटरल ईश्वर जोशी ३९ सय ४, उपेन्द्र विष्ट ३१ सय ९५ मत ल्यान्लै ।
लेखा सुपरिवेक्षण समिति संयोजकमे गणेश प्रसाद जोशी ५१ सय ७२ मत ल्यानके विजयी हुइलै । हुकान प्रतिद्वन्दी चेतराज जोशी ५ हजार ३३ मत ल्यान्लै ।
लेखा सुपरीवेक्षण समिति सदस्यमे खेमराज पाठक ६ हजार ४३ मत ल्यानके विजयी हुइलै । गणेश प्रसाद उपाध्यायफे ४५ सय ५९ मत ल्यानके विजय हुइलै ।
सदस्य पदमे विजयी हुइल केशव राज जोशी ५१ सय ४३, कोपिला कुवँर ४१ सय १२, गणेश बम ३४ सय २६, जयराज जोशी ३२ सय ८०, लक्ष्मीराज पन्त ३२ सय ७६ मत, खेमराज पाण्डेय ३१ सय ३२, दिर्घबहादुर शाह ३१ सय १८ल्यानके विजयी हुइलै ।
