सुदूरपश्चिम प्रदेश तेक्वान्दो संघके अध्यक्षमे ज्ञानेन्द्रबहादुर सिंह

पहुरा समाचारदाता
धनगढी, १९ जेठ । सुदूरपश्चिम प्रदेश तेक्वान्दो संघके नवौं वार्षिक साधारण सभा तथा टिसरा प्रदेश अधिवेशन सम्पन्न हुइल बा ।

अधिवेशनसे संघके अध्यक्षमे ज्ञानेन्द्र बहादुर सिंह निर्वाचित हुइल बटै । लौवा कार्य समितिके उपाध्यक्षमे पदम विक्रम सिंह, दीपेन्द्र कुँवर सर्वसम्मत रूपमे चयन हुइल बटै ।

कोषाध्यक्षमे श्रीराम चौधरी, सचिवमे लोक बहादुर बुढा रहल बटै । कार्यसमिति सदस्यमे कमलराज पनेरु हेम बस्नेत, जय पृथ्वी चन्द, गजेन्द्र डगौरा, महेश्वर ओझा, विक्रम ठकुल्ला, सबिता ऐर, पार्वती भट्ट जोशी निर्वाचित हुइल बटै ।

अधिवेशनसे प्रदेशमे तेक्वान्दो खेलके विकास, विस्तार तथा खेलाडीके क्षमता अभिवृद्धिके लाग प्रभावकारी भूमिका निर्वाह कैना विश्वास व्यक्त कैगिल बा ।