१५ ठो मोटरसाइकल बरामद

पहुरा समाचारदाता
धनगढी, २१ जेठ । प्रहरी कार्यालय कैलाली मातहत इलाका प्रहरी कार्यालय भजनी ओ इलाका प्रहरी कार्यालय लम्की कैलालीसे खटके गैल प्रहरी टोलीसे १७ लाख ३० हजार मुल्य बराबरके १५ ठो मोटरसाइकल बरामद कैगिल बा ।

प्रहरी टोलीसे इलाका प्रहरी कार्यालय भजनी ओ लम्कीके टमान ठाउँसे १५ ठो मोटरसाईकल रु.१७ लाख ३० हजारके बरामद करके आवश्यक कारवाहीके लाग भन्सार कार्यालय शत्ती कैलालीमे बुझाइल जिल्ला प्रहरी कार्यालय कैलालीके सूचना अधिकारी योगेन्द्र तिमिल्सेना जानकारी डेलै ।

ओस्टेक करके कैलाली जिल्लाके टमान ठाउँ धनगढी उ.म.न.पा.३ सिसा पोष्ट, वडा नम्बर ९ त्रिवेणीघाट, भजनी न.पा.९ झोलुङगे पुल लग्गे ओ कैलारी गा.पा.५ पवेरा ओ गोबरैलासे अवैंध रुपमे भारतसे भन्सार छलि करके ल्यानल रु.२ लाख ६४ हजार ९ सय बराबरके पेय पदार्थ, विडी, सुर्ति, मसला, हेण्ड पम्प, वाल वासर, वासर, लसुन, मच्छरी, मोटरसाइकल थान–१ लगायतके सामान नियन्त्रणमे लेहल बा । जिल्ला प्रहरी कार्यालय कैलाली तथा मातहत कार्यालयसे खटल प्रहरीसे नियन्त्रणमे लेहल रहे ।