लागुऔषध सहित चार जाने नियन्त्रण
पहुरा समाचारदाता
धनगढी, २१ जेठ । कैलाली ओ कञ्चनपुरके अलग अलग ठाउँसे चार जाने अवैध लागु औषधसहित पक्राउ परल बटै । गोदावरी नगरपालिका–२ अत्तरीया डेरा करके बैठना कञ्चनपुर भीमदत्त नगरपालिका–६ महेन्द्रनगर घर रहल ३६ वर्षीया ममता भट्टहे अवैध लागुऔषध खैरो हेरोइन १ ग्राम १ सय ६० मिलिग्रामसहित पक्राउ कैगिल बा ।
इलाका प्रहरी कार्यालय मालाखेतीसे खटल प्रहरीसे उहाँक कोठा तलासी करेबेर उ पदार्थ फेला पारके पक्राउ करल हो ।
ओस्टेक करके जिल्ला कञ्चनपुर बेलौरी न.पा. ८ पचुई स्थित हुलाकी राजमार्गसे ९४० मिलिग्राम लागुऔषध खैरोहेरोइनसहित ३ जनहनहे बुधके रात प्रहरी पक्राउ करले बा ।
पक्राउ परुइयामे कैलालीके धनगढी उप–महानगरपालिका ३ बडहरा गाउँ बैठना वर्ष २४ के प्रकाश चौधरी, वर्ष २५ के शिव चौधरी ओ वर्ष २२ के अविनास चौधरी रहल बटै । प्रहरी चौकी पचुई, कञ्चनपुरसे खटल प्रहरीसे से ३ प १९८४ नम्बरके मोटरसाइकलमे सवार ओइनहे शंका लागके चेकजाँच करेबेर उ पदार्थ फेला पारके तिनहुनहे उ पदार्थ, मोटरसाइकलसहित पक्राउ करल हो । यी सम्बन्धमे प्रहरी आवश्यक अनुसन्धान कैटी रहल बा ।
