रेबिजविरुद्धके खोप अभावसे समस्या

पहुरा समाचारदाता
धनगढी, २१ जेठ । सुदूरपश्चिममे रेबिजविरुद्धके खोप अभाव हुइबर सेवाग्राही समस्यामे परल बटै । प्रदेशके सरकारी स्वास्थ्य संस्थामे रेबिजविरुद्धके खोप अभाव हुइलपाछे बिरामी प्रभावित हुइल हुइट । कुक्कुर, गिडार अन्य जनावर काटलपाछे तत्काल लगाइ पर्ना खोप अस्पतालमे उपलब्ध नैहुइलपाछे उपचारके लाग पुगल सेवाग्राही समस्यामे परल हुइट ।

महाकाली प्रादेशिक अस्पतालके निमित्ति मेडिकल सुपरिटेन्डेन डा अर्जुन भट्ट आपूर्ति केन्द्रसे रेबिजविरुद्धके खोप नैआइलपाछे समस्या हुइल बटैलै । ुअस्पतालमे दैनिक ४०÷५० जाने बिरामी रेबिजविरुद्धके खोप लगाइ अइठै, हमारठन खोप उपलब्ध नैहोु, उहाँ कहलै, ुजेठसे प्रदेश आपूर्ति केन्द्रसे खोप नैआइलपाछे अस्पतालसे सेवा डेहे सेकल नैहो ।ु धनगढीस्थित प्रदेश स्वास्थ्य आपूर्ति व्यवस्थापन केन्द्रसे सुदूरपश्चिममे किल नैहोके नेपालभर खोप उपलब्ध हुइ नैसेकल जनाइल बा ।

आपूर्ति व्यवस्थापन केन्द्रके जनस्वास्थ्य अधिकृत महेश भण्डारी प्रदेशके सक्कु अस्पतालमे रेबिजविरुद्धके खोप उपलब्ध हुइ नैसेकल बटैलै । ुसुदूरपश्चिममे किल नैहोके अब्बे मुलुकभर रेबिजविरुद्धके खोप अभाव रहल बा,ु उहाँ कहलै, ुकबसम आपूर्ति हुइ कना यकिन हुइल नैहो ।ु प्रदेश आपूति केन्द्रसे सेती प्रादेशिक अस्पताल, टीकापुर अस्पताल, महाकाली प्रादेशिक अस्पताल ओ ९ जिल्लाके टमान अस्पताल ओ स्वास्थ्यचौकीमे खोप उपलब्ध करैटी आइल बा ।

प्रदेशके टमान अस्पतालमे खोप अभावके कारण कतिपय बिरामीहे निजी स्वास्थ्य संस्थामे महङ्गो शुल्क तिरके खोप लगैना बाध्य हुइ परल बा । “सरकारी अस्पतालमे खोप नैमिलल् निजी स्वास्थ्य संस्थासे रु ६४५ मे खरिद करली उ फेन सहजे नैमिलल्,” खोपके लाग महाकाली अस्पताल पुगल सेवाग्राही लिलि कुवँर कहली, “तीनचो लगाइ पर्ना खोप औरेबेर नैपैना होकि कना चिन्ता रहल बा ।”