सिढरा परियोजनाके सिकाई आदानप्रदान
पहुरा समाचारदाता
धनगढी, २२ जेठ । कैलाली जिल्लाके कैलारी गाउँपालिकामे संचालन हुइल सिढरा परियोजनाके सिकाई आदनप्रदान कैगिल बा ।
दलित महिला अधिकार मञ्चसे डिसिएके सहयोगमे कैलारीके २५ ठो सामुदायिक वनमे सञ्चालित उ परियोजनाके मजा सिकाईके अनुभव आदनप्रदान कैगिल हो ।
मञ्चके अध्यक्ष सावित्रा घिमिरेके अध्यक्षतामे हुइल कार्यक्रममे कैलारी गाउँपालिकाके प्रमुख प्रशासकीय अधिकृत दलबहादुर धामी प्रमुख अतिथि रहल रहिट । कार्यक्रममे उहाँ संस्थासे संञ्चालित परियोजनासे आपन उद्देश्य अनुसार प्रगती करल बटैलै ।
उहाँ कहलै, परियोजनासे लक्षित समुहमे परिवर्तन ल्यान बा । यी परियोजना वन वातावरणके क्षेत्रमे काम करले बा । मुलुक विपदके जोखिममे परटी गैल बा । विपद न्यूनिकरण कैना सक्कु जाने लग्ना जरुरी बा । उहाँ प्रकृतिके संरक्षण कैना आग्रह फे करलै ।
मञ्चके अध्यक्ष सावित्रा घिमिरे महिलाहुकनहे आर्थिक रुपमे शसक्त बनैना यी परियोजनाके लक्ष्य रहल बटैली । उहाँ कहली, महिलाहुक्रे नेतृत्वमे अइना मने ओइनहे आघे बह्राइक लाग पुरुषहुकनके साथ सपोटके लाग पुरुषहुकनफे
लैगिल बा ।
कार्यक्रममे कैलारी गाउँपालिका वडा नम्बर ४ के अध्यक्ष तथा बन वातावरण समितिके संयोजक ठागुराम चौधरी, गैसस महासंघ कैलालीके अध्यक्ष चेतमान साउद, भल्मन्सा मनोज चौधरी, सिएफसिसि बसन्ताके अध्यक्ष रमेश चौधरीलगायत आपन बाट राखल रहिट ।
कार्यक्रममे दलित महिला अधिकार मञ्चसे डिसिएके सहयोगमे संञ्चालित सिढरा परियोजना अधिकृत मिन बहादुर हुडके परियोजना सञ्चालित गतिविधि प्रगती विवरण, परियोजनासे ल्यानल परिवर्तनबारे प्रस्तुती करण करल रहिट ।
कार्यक्रममे स्वागत मन्तव्य मञ्चके सदस्य सपना विसि करल रहिट । ओ संचालन परियोजना अधिकृत मिन बहाददुर हुडके करल रहिट । कार्यक्रममे वडा अध्यक्षहुक्रे, गाउँपालिकाके टमान शाखाके प्रमुख, टमान सामुदायिक वनके पदाधिकारी, भल्मन्सा तथा सरोकारवाला निकाय, मञ्चके सहजकर्ता सीमा महतो, निलु चौधरीलगायतके सहभागिता रहे ।
