पोषण परियोजनाके गाउँपालिका स्तरीय परियोजना सल्लाहकार समितिके अनुगमन

पहुरा समाचारदाता
धनगढी, २२ जेठ । कैलाली जिल्लाके कैलारी गाउँपालिकामे केयर नेपाल, आईडी नेपालके साझेदारीमे याक नेपाल द्धारा सञ्चालित पोषण परियोजनाके गाउँपालिका स्तरीय परियोजना सल्लाहकार समितिके अनुगमन तथा बैठक शुकके रोज सम्पन्न हुइल बा ।

अनुगमन टोलीसे कैलारी गाउँपालिका वडा नम्बर ४ स्थित खल्ला के गाउँमे सहयोग कैगिल गडयौला मल उत्पादनके अनुगमन करल बा । ओस्टेक करके वडा नम्बर ४ स्थित के गाउँमे स्वास्थ्य संस्थामे सहयोग कैगिल सचेतना मुलक वाल पेन्टीङके अनुगमन कैगिल बा । कलेसे वडा नम्बर ४ स्थित भिटरीयामे सपोट कैगिल दुना टपरी निर्माणके मेसिनके अनुगमन करल बा । उ समुहके महिलाहुक्रे दुना टपरी विक्री करके आम्दानीफे सुरुवाट करे लागल बटै ।

टोलीसे वडा नम्बर ७ स्थित संस्थाके सपोटमे निर्माण कैगिल चर्पीके अनुगमन कैगिल बा । उहाँ १३ ठो चर्पी बनागिल बा ।
केयर नेपाल, आईडी नेपालके साझेदारीमे याक नेपाल द्धारा सञ्चालित पोषण परियोजनासे २५ जाने अगुवा कृषकहे ४ दिने पोषण बगैचा निर्माण सम्बन्धी तालिम डेगिल परियोजना संयोजक रमण जोशी बटैलै ।

पोषण बगैचा निर्माणके लाग प्रत्येक २५ अगुवा कृषकहे रु २० हजारके दरसे किसान कार्ड मार्फत वितरण करल बा । ४५३ जाने छोट लर्कनके डाईनहे किसान कार्ड मार्फत पोषण बगैचा निर्माणके लाग ४ हजारके दरसे वितरण करल उहाँ बटैलै ।
१२५ जाने नयाँ हजार दिनके महिलाहुकनहे पोषण बगैचा कृषक निमार्णके लाग रु ५५ सय के दरसे वितरण करल बा । समुहभिटरके किसान कार्ड नैहुइल महिलाहुकनहे पोषण बगैचा निर्माणके लाग रु १६ सय ५० के दरले ४८ जनहनहे बिउबिजन वितरण करल बा ।

कडा शिघ्र कुपोषण हुइल बालबालिकाहुकनहे पोषण बगैचा निर्माणके लाग कृषि सामाग्री वितरण, रु २५ सय ओ ३ हजारके खाद्य तथा पुरक पोषण सामग्री वितरण करल बा । गर्भवती तथा सुत्केरी महिलाहुकनहे रु २५ सयके बराबरके खाद्य तथा पुरक पोषण सामग्री वितरण करल बा ।

रु ४० हजार बराबरके १० जनहनहे कुखुरा पालनके लाग सहयोग, २३ जाने कडा तथा मध्यम शिघ्र कुपोषण हुइल बालबालिकाहे सरसफाई तथा स्वच्छताके लाग सामग्री हाजिनिक किट १६ जनहनहे फिल्टर वितरण करल बा । १३ विपन्न घरधुरीमे शौचालय निर्माण तथा मर्मतफे करल बा जौन आज अनुगमनफे कैगिल हो ।

उद्यम विकासके ला १ जनहनहे अटो लोडर, गड्यौला मल उत्पादनके लाग ४ जनहनहे तालिम ओ एक जनहनहे सामाग्री सहयोग (१२५०००), अचार उत्पादनके लाग सोलार ड्रायर, जुस पेल्न मेसिन, टमान कृषि सामाग्री, मुल्य अभिबृद्धि प्रशोधन तालिम २ जाने, मिस्त्री (कृषि सामाग्री तथा उपकरण सम्बन्धी) तालिम २ जनहन, सिकाई केन्द्रहे १ लाख बराबर सहयोग करल बा ।

पोषण लेखाजोखा व्यबस्थापन तथा बहिरंग उपचार केन्द्रके सुदृढिकरणके लाग ६ थान सेका स्केल वितरण करल, स्वास्थ्य सेवा गुणस्तर सुधार तथा पोषण सेवा विस्तार कैना, मेडिकल तथा अन्य सरसामाग्री वितरण, बाल भिटा वितरण, अनसाईट कोचिगं करल उहाँ जनैलै ।

गाउँपालिकाके सहकार्यमे जेन्डर अडिटफे सम्पन्न हुइल बा । परियोजनासे जलवायु मैत्री कृषि प्रविधि, गड्यौला मल उत्पादनमे विषेश जोड डेहल बा । संगे स्वास्थ्य तथा पोषण सेवाके गुणस्तर सुधार, पोषण मैत्री स्थानीय शासनमे सहयोग पुग्न करके गाउँपालिकासंग सहकार्यमे कार्यक्रम सम्पन्न करल बा ।

अनुगमन कार्यक्रममे कैलारी गाउँपालिकाके प्रमुख प्रशासकीय अधिकृत दलबहादुर धामी, याक नेपालके अध्यक्ष ह्रिदय पुजारा, आइडिईके पिओ दमोदर भट्ट, स्वास्थ्य शाखा संयोजक नरेशकुमार चौधरी, शिक्षा शाखा प्रमुख गणेश प्रसाद मिश्र, पशु शाखा प्रमुख सुर्य प्रसाद चौधरी, सामाजिक विकास शाखा प्रमुख यगम कलेल, महिला तथा वालिका शाखा प्रमुख बालकुमारी चौधरी, कुषि शाखा प्रमुख मैया चौधरी, कार्यपालिका सदस्य सुन्दरी चौधरी, याक नेपालके मनोज पुजारा, जनक खनाल, लक्ष्मी चौधरी, आशा चौधरीलगायत रहल रहल रहिट ।