तनाव व्यवस्थापन सम्बन्धी दुई दिने तालिम सुरु
पहुरा समाचारदाता
धनगढी, ७ असार । स्थानीय नेतृत्जकर्ता तथा डब्लुएचआरके जिल्ला तथा प्रदेश कार्यसमितिके लाग दुई दिने तनाव व्यवस्थापन तालिम सुरु हुइल बा ।
मानव अधिकारका लागि महिला एकल महिला समुहके आयोजना तथा कुर्वे विष्ट्रोके सहयोगमे सोम्मारके रोजसे धनगढीमे स्थानीय नेतृत्जकर्ता तथा डब्लुएचआरके जिल्ला तथा प्रदेश कार्यसमितिके लाग दुई दिने तनाव व्यवस्थापन तालिम सुरु हुइल हो । कामके बोझ ओ दैनिक जीवनके दौरानमे हुइना तनावहे व्यवस्थापन करेक लाग उ संचालन करल मानव अधिकारका लागि महिला एकल महिला समुहके प्रदेश कार्यक्रम अधिकृत वेद अवस्थी जानकारी डेली । तनाव व्यवस्थापन तालिममे सहजीकरण तथा प्रशिक्षण सुदूरपश्चिम प्रदेश सरकारके उद्योग पर्यटन तथा वन मन्त्रालयके सहसचिव भरत श्रेष्ठ कैटी रहल बटै ।
तालिममे तनाव का हो, यकर प्रभावबारे, आनन्द कैसिक प्राप्त करे सेक्जाइठ ?, भाग्य एवं भविष्य कैसिक निर्माण हुइठ ?, हमार सफटवेयर ओ हार्डवेयर, मनके प्रकार ओ प्रवृति, बानी ओ संस्कार, खुशी हर्मोन ओ दुखी हर्मोन का हुइट, खुशी हुइक लाग काहे आवश्यक बा ?, खुशी हर्मोन वृद्धि कैना तरिका, आपनहे मजा विचार, संस्कार ओ बानीसे कैसिक भरिपूर्ण बनैना, जीवन उर्जा, उर्जाके आर्जन ओ यकर सही व्यवस्थापनबारे जानकारी डेगिल बा ।
तालिममे डब्लुएचआरके प्रदेश अध्यक्ष भगवती हमाल, जिल्ला अध्यक्ष मीना भण्डारी, प्रदेश तथा जिल्ला समितिके पदाधिकारी, ओरेक प्रदेश संयोजक सपना थापा, जिल्ला संयोजक गीता चौधरीलगायतके सहभागिता रहे । तालिम मंगरसम संचालन रना बा ।
