तनाव व्यवस्थापन सम्बन्धी दुई दिने तालिम सम्पन्न
पहुरा समाचारदाता
धनगढी, ९ असार । स्थानीय नेतृत्जकर्ता तथा डब्लुएचआरके जिल्ला तथा प्रदेश कार्यसमितिके लाग दुई दिने तनाव व्यवस्थापन तालिम सम्पन्न हुइल बा ।
मानव अधिकारका लागि महिला एकल महिला समुहके आयोजना तथा कुर्वे विष्ट्रोके सहयोगमे सोम्मारके रोज धनगढीमे स्थानीय नेतृत्जकर्ता तथा डब्लुएचआरके जिल्ला तथा प्रदेश कार्यसमितिके लाग दुई दिने तनाव व्यवस्थापन तालिम सुरु हुइल रहे ।
कामके बोझ ओ दैनिक जीवनके दौरानमे हुइना तनावहे व्यवस्थापन करेक लाग उ संचालन करल मानव अधिकारका लागि महिला एकल महिला समुहके प्रदेश कार्यक्रम अधिकृत वेद अवस्थी जानकारी डेली । तनाव व्यवस्थापन तालिममे सहजीकरण तथा प्रशिक्षण सुदूरपश्चिम प्रदेश सरकारके उद्योग पर्यटन तथा वन मन्त्रालयके सहसचिव भरत प्रसाद श्रेष्ठ करल रहिट ।
तालिममे तनाव का हो, यकर प्रभावबारे, आनन्द कैसिक प्राप्त करे सेक्जाइठ ?, भाग्य एवं भविष्य कैसिक निर्माण हुइठ ?, हमार सफटवेयर ओ हार्डवेयर, मनके प्रकार ओ प्रवृति, बानी ओ संस्कार, खुशी हर्मोन ओ दुखी हर्मोन का हुइट, खुशी हुइक लाग काहे आवश्यक बा ?, खुशी हर्मोन वृद्धि कैना तरिका, आपनहे मजा विचार, संस्कार ओ बानीसे कैसिक भरिपूर्ण बनैना, जीवन उर्जा, उर्जाके आर्जन ओ यकर सही व्यवस्थापनबारे जानकारी डेहल रहे ।
मानव अधिकारका लागि महिला एकल महिला समुहके जिल्ला अध्यक्ष मीना भण्डारीके अध्यक्षतामे हुइल तालिम समापन कार्यक्रममे विशिष्ट अतिथि तथा सुदूरपश्चिम प्रदेश सरकारके उद्योग पर्यटन तथा वन मन्त्रालयके सहसचिव भरत प्रसाद श्रेष्ठ तनाव व्यवस्थापन आवश्यक रहल बटैलै । ओरेक प्रदेश संयोजक सपना थापा, दलित महिला संघके अध्यक्ष सविना घिमिरेलगायत मन्तव्य राखल रहिट । तालिममे डब्लुएचआरके प्रदेश अध्यक्ष भगवती हमाल, ओरेक जिल्ला संयोजक गीता चौधरीलगायतके सहभागिता रहे ।
