एक लाख ६६ हजारके सामान नियन्त्रण

पहुरा समाचारदाता
धनगढी, २१ सावन । कैलाली ओ कञ्चनपुरके जिल्ला प्रहरी टमान स्थानसे एक लाख ६६ हजार ६ सयके सामान बरामद करले बा ।

कैलालीके अलग अलग ठाँउसे अवैध रुपमे भारतसे भन्सार छलि करके सामान ल्यानल अन्दाजी मूल्य रु. एक लाख ३७ हजार बराबरके चिनी, कुर्ति सेट, टमान मेरिक मोबाइल कभर लगायतके सामान नियन्त्रण लेहल हो ।

बुधके रोज जिल्ला प्रहरी कार्यालय कैलाली ओ मातहत कार्यालयसे खटल प्रहरीसे बेवारिसे अवस्थामे फेला पारके आवश्यक प्रक्रिया पुरा करके नियन्त्रणमे लेहल बा । ओस्टेक, कञ्चनपुर जिल्लाके टमान ठाँउसे अवैध रुपमे भारतसे भन्सार छलि करके ल्यानल २९ हजार ६ सय बराबरके पेय पदार्थ, पानीपुरी, बोइलर मुरगी, प्लाष्टिक झिल्ली लगायतके सामान नियन्त्रण लेहल बा ।

बुधके जिल्ला प्रहरी कार्यालय कञ्चनपुर मातहत कार्यालयसे खटल प्रहरीले बेवारिसे अवस्थामे फेला पारके आवश्यक प्रक्रिया पुरा करके नियन्त्रणमे लेहल बा ।