छटकपुर बसन्ता यूवा समुहसे सरससफाई कार्यक्रम

पहुरा समाचारदाता
धनगढी, २ भदौ । कैलाली जिल्लाके कैलारी गाउँपालिका वडा नम्बर ७ छटकपुर बसन्ता यूवा समुहसे गुरही टिहुवारके अवसर पारके सरसफाई तथा लागु औषध दुव्र्यशनी नियन्त्रण सचेतनामुलक कार्यक्रम करले बा ।

विक्रम चौधरी ओ अंकित चौधरीके अगुवाईमे छटकपुर बसन्ता यूवा समुहसे टमान ठाउँ सरसफाई तथा जनचेतनामुलक कार्यक्रम कैगिल हो । उहाँहुक्रे धार्मिक स्थल, शंकर यूवा क्लव, गाउँक डगरघाट, सुइटी सामुदायिक वन आसपास, गुरही चोक छटकपुर बसन्तालगायत ठाउँमे सरसफाई कैटी लागु औषध दुव्र्यसनी नियन्त्रण सम्बन्धी सचेतनामुलक कार्यक्रम अंकित चौधरी जानकारी डेलै ।

लागु औषध दुव्र्यसनीके कारण यूवाहुक्रे फस्टी गैल ओरसे सरोकारवाला निकायके ध्यानाकर्षण तथा यूवाहुकन सामाजिक सेवा ओर अग्रसर कराइक लाग उ कार्यक्रमके आयोजना करल उहाँ जनैलै । सरसफाई करी स्वास्थ्य वनी अपन टोल अपनही बनाई, दुव्र्यसनहे त्यागी स्वास्थ्य जीवन बाँची कना मुल नाराके साथ कार्यक्रम कैगिल रहे ।