अवैध लागूऔषध सहित तीन जाने पक्राउ
पहुरा समाचारदाता
धनगढी, २ भदौ । कैलाली टीकापुर न.पा.वडा नं २ कोठारपुर स्थितसे अवैध लागूऔषध खैरो हेरोइन जस्ते देखल पदार्थ ४ ग्राम ८९० मिलिग्राम सहित दुई जाने पक्राउ परल बटै ।
उहे ठाउँ बैठना वर्ष २९ के सुभाष शाही ओ २६ वर्षिया तिलक बुढाहे सोम्मार साँझ इलाका प्रहरी कार्यालय टीकापुर, कैलालीसे खटल प्रहरी टोलीसे शंका लागी चेकजाँच करके उ पदार्थ फेला पारके दुनु जानेहे पक्राउ लेहल बा ।
ओस्टेक करके, कैलाली गोदावरी न.पा. ५ गेटा चेकपोष्ट स्थित अवैध लागूऔषध खैरो हेरोइन जस्ते देखल पदार्थ २ ग्राम २०० मिलिग्राम सहित जिल्ला कञ्चनपुर कृष्णपुर न.पा.८ वैठना वर्ष २३ के जगदिश विष्टहे पक्राउ करल बा ।
सोम्मार साँझ प्रहरी चौकी गेटा, कैलालीसे खटल प्रहरी टोलीसे सु.प.प्र.०२–००४ प ४५४३ नम्वरके मोटरसाइकलमे सवार उहाँ शंका लागके चेकजाँच करके उ पदार्थ फेला पारके मोटरसाइकल सहित पक्राउ करल बा ।
