मोटरसाइकल दुर्घटना हुँके चालकके मृत्यु

पहुरा समाचारदाता
कञ्चनपुर, २० कुवाँर । कञ्चनपुर जिल्लाके बेदकोट न.पा.७ लालपुर स्थित महेन्द्र राजमार्गमे मोटरसाइकल दुर्घटना हुके चालकके मृत्यु हुइल बा ।

बेदकोट न.पा.५ बैठना वर्ष २४ के बिक्रम बमसे चलाइले ६ प २२० नम्बरके मोटरसाइकल अनियन्त्रीत हुके सोम्मार दोप्हर दुर्घटना हुके गम्भीर घाहिल हुइल रहिट ।

मोटरसाइकल चालकहे उपचारके लाग महाकाली प्रादेशीक अस्पताल कञ्चनपुर लैगिल रहे । उपचारके क्रममे उहे दोप्हर मृत्यु हुइल बा । दुर्घटना सम्बन्धमे प्रहरी अनुसन्धान करटी रहल जनैले बा ।