जिपके द्धारसे गिरके मृत्यु

पहुरा समाचारदाता
दार्चुला, २० कुवाँर । दार्चुला जिल्लाके मार्मा गा.पा.३ बिटुसे स्थित गोकुलेश्वर लटिनाथ सडक खण्डमे जिपके द्धारसे गिरके मृत्यु हुइल बा ।

बिटुलेसे गन्ना ओर जाइटी करल सु.प.प्र.०१–००१ ज १६९० नम्वरके जिपके बायाँओरके द्धार खुल्के जिपमे सवार जिल्ला बैतडी, डिलासैनी गा.पा.२ बैठना वर्ष २८ के सन्तोष जाग्रीके मुत्यु हुइल बा ।

सोम्मारके रोज दोप्हर द्धारसे गिरके गम्भिर घाहिल हुइटी उपचारके लग मालिकार्जुन अस्पताल दार्चुला हुइटी जिल्ला अस्पताल बैतडी लैगिलमे चिकित्सक चेकजाँच करके उहे रात मृत घोषणा करल बा । जिप ओ जिप चालक जिल्ला बैतडी, डिलासैनी गा.पा.२ बैठना वर्ष २५ के मनोज घरेडीहे प्रहरी नियन्त्रण लैके अनुसन्धान करटी रहल जनैले बा ।