फरार तीन प्रतिबादी पक्राउ
पहुरा समााचारदाता
धनगढी, २० कुवाँर । कैलाली ओ अछामसे फरार तीन प्रतिबादी पक्राउ परल बटै ।
फैसला कार्यान्वयनके सिलसिलामे जिल्ला अदालत कैलालीके टमान मितिके फैसलासे कैद सजाय ओ जरिवाना ठहर हुके फरार रहल दुई जनहनहे जिल्ला प्रहरी कार्यालय कैलाली मातहत कार्यालयसे खटल प्रहरी टोली पक्राउ करल हो ।
चोरी मुद्दामे १ महिना कैद सजाय ओ रु.१ हजार जरिवाना तोकल गोदावरी न.पा. १ बैठना वर्ष ३५ के बिनित बडुहे प्रहरी पक्राउ करल बा ।
ओस्टेके चोरी मुद्दामे १ बर्ष ६ महिना कैद सजाय ओ रु.६० हजार जरिवाना तोकल घोडाघोडी न.पा.२ साडेपानी बैठना वर्ष २८ के अर्जुन बिष्टहे प्रहरी पक्राउ करले बा ।
ओस्टेक करके, फैसला कार्यान्वयनके सिलसिलामे जिल्ला अदालत अछामके फैसलासे बन्यजन्तु अबैध शिकार मुद्दामे १ महिना कैद सजाय ओ रु. ५ हजार जरिवाना तोकल बान्निगढी जयगढ गा.पा.६ बैठना वर्ष ३६ के जयन्द्र शाहहे पक्राउ करले बा ।
सोम्मारके रोज दोप्हर प्रहरी चौकी जयगढ, अछामसे खटल प्रहरी टोलीसे उहाँके घर ठेगानासे पक्राउ करल बा ।
