स्थानीय तह ओ विकास निर्माण सम्वद्ध कार्यालयके वार्षिक समीक्षा

पहुरा समाचारदाता
धनगढी, २३ कुवाँर । कैलाली जिल्लाके स्थानीय तह ओ विकास निर्माण सम्वद्ध कार्यालके आर्थिक वर्ष २०८२/८३ सालके वार्षिक समीक्षा एवं असल अभ्यासके अनुदान प्रदान कार्यक्रम निम्जल बा ।
जिल्ला समन्वय समिति कैलालीके आयोजनामे हुइल कार्यक्रम समितिके सभापति टिकाकुमारी चौधरी भुलके अध्यक्षता तथा सामाजिक विकास मन्त्री सन्तोषकुमारी शर्मा प्रमुख अतिथि रहल रहिट ।
कार्यक्रममे सम्बोधन कैटी मन्त्री शर्मा विनियोजित बजेटहे पारदर्शि रुपमे कार्यान्वयन कैना जरुरी रहल बटैली । एक स्थानीय तहसे करल मजा कार्यहे दुसर स्थानीय तहसे अनुसरण करके गिलेसे विकासके कामहे आघे बह्राई सेक्ना उहाँ बटैली ।
योजनाके काम प्रभावकारी ढंगसे आघे बह्रटी जनताके गुनासोहे सम्बोधन कैटी आघे बह्राईपर्ना मन्त्री शर्मा बटैली । साझा समस्याहे स्थानीय तह ओ विकास निर्माण सम्बद्ध कार्यालयसे समन्वय करके आघे बह्रना जरुरी रहल उहाँ बटैली । विकास छनौट प्रक्रियामे जाईबेर सातु चरण पार करे पर्ना उहाँ बटैली । प्रदेश सरकारसे कैलालीमे सुरक्षित आवासके लाग बजेट विनियोजन करेलागल ओ सक्कु स्थानीय तहसे सहयोग समन्व कैना मन्त्री शर्मा बटैली ।
विशिष्ट अतिथि रहल सुदूरपश्चिम प्रदेशके आन्तरिक मामिला तथा कानून मन्त्री खुशीराम डगौराथारु बार्षिक समिक्षा एक ठो ऐना जस्टे रहल कहटी सक्कु जाने गम्भीरता पूर्वक लेहक पर्ना बटैलै ।
उहाँ संघ, प्रदेश ओ स्थानीय तहविच समन्वय, सहकार्य ओ सहअस्तित्व हुइना जरुरी हुई पर्ना बटैलै । अब्बे समन्वयके अभाव डेखल कहटी तीन तहविच समन्वयकारी भुमिका निर्वाह करल डेखल नैहो मन्त्री चौधरी कहलै ।
सुशासनहे पहिल प्राथमिकता लेहेपर्ना जरुरी बा, मन्त्री चौधरी कहलै, नेपालके स्रोत साधनके अभाव नै मने ओकर परिचलन तथा सही सदुपयोग करल नैहो ।
उहाँ कहलै, कैलाली जिल्लाके घोडाघोडी नगरपालिकामे ५५ ठो सुचिकृत तालतलैया रहल कहटी ओकर टेन्डर खुलठ मने पाँच रुप्याफे नैआइठ । एक ताल करोड करोडके टेन्डर हुइठ, अक्को चवन्नीफे नैआइठ । फाइल खोजेबेर ठेकेडारके फाइलफे नैमिलठ । लडियाके गिट्टी, बालुके टेन्डर सुलठ मने ओकरपाछे पैसा नैअइना करठ । मन्त्रीहुकनहे विकासके काम करे छोरके आन्दोलन करेपर्ना अवस्थाफे आइल बटैलै ।
कार्यक्रममे भौतिक पूर्वाधार विकास राज्य मन्त्री जानकी देवी कुवँर, उद्योग, पर्यटन तथा वन मन्त्रालयके राज्य मन्त्री इन्दिरा गिरी, कैलालीके प्रमुख जिल्ला अधिकारी हिरालाल रेग्मी, जानकी गाउँपालिका अध्यक्ष गणेश चौधरी, जिल्ला समन्वय समिति अधिकारी जनकसिहं उखेडालगायतसे मन्तव्य व्यक्त करल रहिट । कार्यक्रमके संचालन समितिके विमल जोशी ओ स्वागत मन्तव्य समितिके उपसभापति खगराज भुषाल करल रहिट ।
स्थानीय तह ओ विकास निर्माण सम्वद्ध कार्यालके आर्थिक बर्ष २०८२/८३ सालके वार्षिक समिक्षा एवं असल अभ्यासके अनुदान प्रदान कार्यक्रममे कैलारी गाउँपालिकाके ओरसे प्रमुख प्रशासकीय अधिकृत दलबहादुर धामी प्रस्तुतीकरण करल रहिट ।
उहाँ पालिकासे करल असल अभ्यासमे गत विगतमे विद्यार्थीहुकनहे दिवा खाजाके रुपमे जङ्क फूड खवैना परिपाटी रहलमे यैसिन खाजाके प्रयोगसे बच्चनके स्वास्थ्यमे प्रतिकूल असर पर्नाके साथे शिक्षण सिकाइ तथा बालमनोविज्ञान (मानसिक तथा शारीरिक) प्रतिकूल असर परके शैक्षिक गुणस्तरमे सुधार हुई नैसेक्के बालबालिका कुलत तथा विकृति विसङ्गतिमे परल ओरसे बालबालिकाहे शुद्ध तथा पोषणयुक्त दिवाखाजा उपलब्ध करैना उद्देश्यसे विद्यालय लग्गे कृषक महिलाहुकनहे समूहमे आवद्ध करके स्थानीय उत्पादन (फलफूल, गेडागुडी, टिना, हरियर साग) स्थानीय विद्यालयमे दिवा खाजाके रुपमे उपलब्ध करैना विद्यालयसंग समन्वय तथा सहकार्य करके विद्यालयमे दिवाखाजा निर्माणके लाग सफा सुग्घर तथा चिटिक्क परल खाजाघर निर्माण करल बटैलै ।
घोडाघोडी नगरपालिकाके निमित्त प्रमुख प्रशासकीय अधिकृत खगेन्द्र बहादुर सिंह नगरपालिकासे करल असल अभ्यासबारे जानकारी डेटी विद्यालयके वर्गीकरण तथा स्तर निर्धारण, पूर्व अभ्यास तथा अनुभवमे विद्यालयके वर्गीकरण नैहुके विद्यालयके वास्तविकस्तर पहिचान कैना कठिनाइ तथा संस्थागत विद्यालयके शुल्क ओ छात्रवृत्ति निर्धारणमे एकरूपताके अभाव रहल रहे ।
प्रभावमे विद्यालयके भौतिक तथा शैक्षिक गुणस्तर पहिचान करके आवश्यकता ओ प्राथमिकताके आधारमे बजेट तथा कार्यक्रम सञ्चालन कैना सहज हुइल बटैलै ।
मुख्य परिवर्तनमे विद्यालयके भौतिक, शैक्षिक, आर्थिक तथा व्यवस्थापकीय अवस्था ओ भौगोलिक आवश्यकताके आधारमे स्तर निर्धारण तथा वर्गीकरण कैना अभ्यास सुरु हुइल बा । मुख्य सिकाईमे विद्यालयके अवस्था ओ आवश्यकता पहिचान करके प्रभावकारी योजना तथा स्रोत परिचालनके लाग विद्यालय वर्गीकरण आवश्यक रहल बा । भावी योजनामे विद्यालयके स्तर ओ शिक्षाके गुणस्तर निरन्तर सुधार करटी नतिजामुखी, गुणस्तरीय ओ समानुपातिक शिक्षा प्रणाली विकास कैना रहल उहाँ बटैलै ।
वार्षिक समिक्षामे चुरे गाउँपालिका, पशुपन्छी तथा मत्स्य विकास निर्देशनालय भेटेरिनरी अस्पताल तथा पशु सेवा विज्ञ केन्द्र धनगढीके प्रस्तुती वरिष्ठ पशु विकास अधिकृत चन्द्र कान्त पन्त करल रहिट ।
घरेलु तथा साना उद्योग कार्यालय,धनगढी कैलालीके प्रस्तुतीकरण अधिकृत (प्रशासन) सर्मिला बस्नेत, शहरी विकास तथा भवन कार्यालय कैलालीके प्रस्तुतीकरण, जलश्रोत तथा सिंचाइ विकास डिभिजन कार्यालय धनगढी, कैलालीके प्रस्तुतीकरण इन्जिनियर टेकराज विनाडी करल रहिट ।
ओस्टेक टीकापुर नगरपालिकासे प्रस्तुतीकरण लेखा अधिकृत लक्ष्मी वड, कृषि ज्ञान केन्द्र, कैलालीके प्रस्तुतीकरण कार्यालय प्रमुख घनश्याम चौधरी करल रहिट ।
कार्यक्रममे बर्दगोरिया गाउँपालिका, जोशीपुर गाउँपालिका, भजनी नगरपालिका, राष्ट्रिय कृषि आधुनिकीकरण कार्यक्रम कैलालीके वरिष्ठ कृषि अधिकृत सन्जु उपाध्याय रिमाल करल रहिट ।
जानकी गाउँपालिकाके प्रस्तुतीकरण प्रशासकीय अधिकृत मिन राज कठरिया, ओ गोदावरी नगरपालिकाके प्रस्तुतीकरण करल रहे ।
बाँकी धनगढी उपमहानगरपालिका, लम्कीचुहा नगरपालिका मोहन्याल गाउँपालिका ओ गौरीगंगा नगरपालिकाके आर्थिक बर्ष २०८२/८३ सालके वार्षिक समिक्षा एवं असल अभ्यासबारे प्रस्तुतीकरण हुई नैहुइल ।