थारु कविता प्रतियोगिताके लग अर्जि

पहुरा समाचारदाता
चितवन, ३० कुँवार । ११वा थारु साहित्य राष्ट्रिय सम्मेलनके अवसरमे थारु लेखक संघ नेपालसे थारु भासाके कविता प्रतियोगिता हुइ जैटि बा ।
चितवनके माडी नगरपलिका–३, बघौडामे हुइ जैटि रहल कविता प्रतियोगिताके पहिला पुरस्कार १५ हजार, डुस्रा १० हजार ओ टिस्रा ५ हजार, सान्त्वना २ हजार ५ सय ओ प्रमानपत्र बा ।
कविता २ सयसे भिटर ओ अघन मसान्टसम पठा सेक्ना सुचनामे कहि गइल बा ।
११वा थारु साहित्य राष्ट्रिय सम्मेलन २०८३ पुसके १० ओ ११ गते हुइटि रहलमे यकर व्यापक टयारि हुइटि रहल स्थानीय संयोजक सिएम अपिल चितौने बटैलाँ ।
स्मरन रहे, १०वा थारु साहित्य राष्ट्रिय सम्मेलनके अवसरमे पटेर्वा सुगौली गाउँपलिका–२, बेलवा, पर्सामे २०८२ माघ १६ ओ १७ गटे हुइल थारु भासाके कविता प्रतियोगितामे सत्य नारायण दहित पहिला हुइल रहिट । धनगढी, कैलाली निवासि दहितके बुढापा सिर्सकके कविता पहिला हुइल रहे ।
ओस्टक गढवा–२, दाङदेउखरके भीमेश चौधरीके उडान सिर्सकके कविता डुस्रा ओ कञ्चनपुरके प्रकृति पूजाके जिन्दगीक इजलासमसे सिर्सकके कविता टिस्रा हुइल रहे ।
थारु लेखक संघ नेपालके संरक्षक डा कृष्णराज सर्वहारी आबसे प्रत्येक सम्मेलनमे कविता प्रतियोगिता नियमित कैना ओ पुरकारके रकम बह्रैटि लैजैना बटैलाँ ।