अबैध लागूऔषध सहित ४ जाने पक्राउ
पहुरा समाचारदाता
धनगढी, १८ कार्तिक । कैलाली ओ कञ्चनपुर जिल्लके टमान ठाउँसे ४ जाने पक्राउ परल बटै ।
जानकी गाँउपालिका ६ स्थितसे अवैध लागूऔषध ब्राउनसुगर ७३० मिलिग्राम ओ १३ ग्राम गाँजा सहित उहे गाउँपालिका वडा नं ८ बैठना वर्ष २४ के भुवन तिमिल्सिनाहे पक्राउ करल बा ।
मंगरके शंका लाग चेकजाँच करके उ पदार्थ फेला पारके इलाका प्रहरी कार्यालय टीकापुर, कैलालीसे खटल प्रहरी टोलीसे पक्राउ करल बा ।
ओस्टेक करके, कैलाली जिल्लाके भजनी न.पा.५ बक्तुरीघाट स्थितसे अवैध लागूऔषध ब्राउनसुगर जस्ते डेखल धुलो पदार्थ १८ ग्राम ५७० मिलिग्राम सहित जिल्ला कैलाली कैलारी गा.पा. वडा नं ४ हसुलिया बैठना वर्ष २० के सरोज चौधरीहे पक्राउ करल बा ।
मंगरके रोज शंका लाग चेकजाँच करके उ पदार्थ फेला पारके इलाका प्रहरी कार्यालय पृथ्वीपुर, कैलालीसे खटल प्रहरी टोलीसे पक्राउ करल बा ।
ओस्टेक करके, कंचनपुर जिल्लाके बेलौरी नगरपालिका ०७ टेडिया स्थितसे अवैध लागूऔषध ब्राउनसुगर ६ ग्राम ३३० मिलिग्राम सहित जिल्ला कैलाली घोडाघोडी नगरपालिका वडा नं १ सुख्खड बैठना वर्ष २३ के जिबन पार्कीहे पक्राउ करल बा ।
मंगरके रोज शंका लाग चेकजाँच करके उ पदार्थ फेला पारके लागुऔषध नियन्त्रण व्युरो शाखा कार्यालय महेन्द्रनगर ओ इलाका प्रहरी कार्यालय बेलौरी, कञ्चनपुरसे खटलके प्रहरी टोलीसे पक्राउ करल हो ।
ओस्टेक करके , कञ्चनपुर जिल्लके भिमदत्त नगरपालिका वडा नं.११ होल्डिग सेन्टर ७ नम्बर पिल्लर स्थितसे अवैध लागूऔषध ब्राउनसुगर पदार्थ ५.४४ ग्राम सहित कञ्चनपुर भिमदत्त न.पा. वडा नं ६ बैठना वर्ष ३२ के दिपक भाटहे पक्राउ परल बा ।
मंगरके रोज लागुऔषध नियन्त्रण व्युरो शाखा कार्यालय महेन्द्रनगर ओ इलाका प्रहरी कार्यालय गड्डाचौकी,कञ्चनपुरसे खटलके प्रहरी टोलीसे सु.प.प्र.०२–००३प ४३८५ नम्बरके स्कुटरमे भारतसे नेपाल ओर आइटी करल अवस्थामे शंका लाग चेकजाँच करके उ पदार्थ फेला पारके पक्राउ करल बा । इ सम्बन्धमे प्रहरी आवश्यक अनुसन्धान करटीरहल जनैले बा ।
