क्लबसे गाउँपालिकाहे ट्रफी हस्तान्तरण

पहुरा समाचारदाता
हसुलिया, ३० अगहन । कैलारी स्मार्ट समन्वय युवा क्लबसे कुछ दिन आघे जिटल ट्रफी आज गाउँपालिकाहे हस्तान्तरण करले बा ।

क्लबके अध्यक्ष ज्ञानबहादुर चौधरी गाउँपालिकाके अध्यक्ष लाजुराम चौधरीहे ट्रफी हस्तान्तरण करल गाउँपालिकाके कर्मचारी रवीन्द्रकुमार चौधरी जानकारी डेलै । उ क्लबसे धनगढी उपमहानगरपालिका–१२ मे आयोजना हुइल पुरुष भेट्रान फुटवल प्रतियोगितामे प्रथम स्थान हासिल करल रहे ।

प्रतियोगितामे च्याम्पियन बनल क्लबसे नगद ४० हजार रुप्या पुरस्कार ओ ट्रर्फी हात पारल रहे । उ क्लव अपने जिटल ट्रफी गाउँपालिकाहे हस्तान्तरण करले बा ।

ट्रफी हस्तान्तरण अवसरमे गाउँपालिकाके प्रमुख प्रशासकीय अधिकृत खगेन्द्रराज जोशी, शिक्षा शाखा प्रमुख गणेश मिश्र, नेकपाके कैलारी गाउँपालिका अध्यक्ष बतासु चौधरी लगायतके उपस्थिति रहल रहैं ।